Accessibility links

Кайнар хәбәр

Xalıq icatı haman sünmägän


Xalıqnıñ mädäni tormışı ul professional'' sänğät''tän genä tügel , ä bälki talantlı şäxeslärneñ möstäkıyl'' icatınnan da tora. Qayçaqta xalıqnıñ üzeşçän , häwäskär bulğan milli mädäni tormışı anıñ çişmä başı bulıp tora. Qazanda respublika mädäniät ministrlığınıñ fänni- metodik üzäge şul eşlär belän şöğellänä. Şuşı üzäkneñ xezmätkäre Rusiä töbäklärendä yäşägän tatarlarnıñ milli mäğärif häm mädäniät mäs’äläläre belän bülekneñ baş belgeçe İlgiz Qadıyrov. Aña şuşı könnärdä 60 yäş tuldı. Anıñ östälendäge Komi ölkäsennän, Tömännän häm başqa bik küp regionnardan kilgän qotlaw xatları anıñ yubiley könnärenä turı kilsä dä, bez İlgiz Qadıyrov belän , Rusiä töbäklärendä yäşägän millättäşlärebezneñ mädäni tormışı turında söyläşäbez.“Bıyıl uñışlı ğına eşlädek. “Xantı- Mansiskida Lämber şähärendä Ästerxanda, seminarlar ütkärep tä, metodik, praktik yärdämnär birep qayttıq. Tomskida seminar häm “Seber yoldızları” isemle konkurs buldı. Yekaterinburgta ike könlek xoreografiä häm xalıq icadı buyınça da seminar buldı. Şulay uq alarnıñ “Tatar cırı” konkursında Salawat Fätxetdinov jyuri räise buldı. Çiläbe ölkäsendä , Çiläbe xalıq teatrı rejisserı Sälimovnıñ 75 yıllığına bağışlanğan iskä alu kiçäse uzdırıldı”.Häm bez alarnıñ teatrına yaña p''yesalar alıp bardıq”,- dide ul. Häm şulay İlgiz Qadıyrov daimi eşlägän, küp keşelär cälep itkän xalıq teatrları kollektivları häm vokal'' ansambl'' kollektivları turında da söyläde. “Ästerxandağı tatar drama häm komediä teatrı rejisserı Räis Cabbarov, 25 keşe cälep itkän teatrnıñ 45 yıllıq yubiley , elekke“Vulkan” teatrınıñ däwamı bulğan kollektivı turında da, äytep kitte ul. Teatrnıñ repertuarı bik bay dip“Zäñgär şäl ” häm “Qazan sölgese” spektakl''lärennän torğan repertuarları turında da söyläde İlgiz Qadıyrov. Vokal'' anmasbl''lärdän: Novosibirskiynıñ “Läysän”, Çiläbeneñ “Uralım” vokal'' ansambl''läre , Sverdlovskiy ölkäseneñ Araqay awılınıñ, “Sır-dar''ya” xor ansamble, Kemerovonıñ ozın köylärne başqaruçı ansambl'' turında da , Semipalatnıñ Ğabdulxak Axuncanov citäkçelegendäge törle yäştäge balalar, yäşüsmerlär, yäşlärneñ “İrtış moñnarı” isemle ansambl''läre turında da , Sverdlovskiynıñ “Kügärçen” tatar-başqort ansambl''läre, Ästerxannıñ xoreografik balalar studiäse citäkçese Däwlät Umerov”,- turında da İlgiz Qadıyrov bik tulı itep mäğlümat birde. Sez Rusiä töbäklärendä yäşägän tatarlarnıñ milli mäğärif häm mädäniät mäs’äläläre belän şöğellängän bülekneñ baş belgeçe İlgiz Qadıyrovnı tıñladığız. Milli üseş öçen şartlar qıyın bulsa da, xalıq üz mädäniäten üzeşçän sänğäten üze üsterä.

Mälikä Basıyr, Qazan

XS
SM
MD
LG