Qazan däwlät mädäniät häm sänğät universitetınıñ Ğilmi Mäcleseneñ kiñäytelgän utırışı cämäğät eşleklese, Kamaz tözeleşendä zur öleş kertkän, häm soñraq mädäniät häm sänğät institutınıñ rektorı bulğan Räis Beläevqa 70 yıl tulu uñayınnan ütkärelde. Anda 60 qa yaqın keşe qatnaştı. Utırışnı universitetnıñ xäzerge rektorı Rifqät Yusupov açıp cibärde. Ğilmi mäclestä TR mädäniät ministrı İldus Tarxanov, Däwlät Sovetınıñ cawaplı särkätibe Valentina Lipujina , dramaturg Tufan Miñnullin , Ğ.Kamal teatrı direktorı Şamil Zakirov, Räis Belyäevnıñ qardäşe kürenekle säyäsätçe Midxät Faruqşin, ğalim Änwär Xäyrullin, tağın küp kenä qunaqlar da çığış yasadılar.
Respublikanıñ Aqsubay rayonınıñ Yaña tatar awılında 11 balalı uqıtuçı ğailäsendä tuıp üskän Räis Belyäev mäktäpne tämamlap KDUnda belem ala.Utırışta qatnaşuçılar, universitetnıñ komsomol sekretare , soñınnan rayonda , annan soñ komsomol ölkä komitetınıñ berençe sekretare, annan soñ KPSS oyışmasın citäkläp Kamaz zavodın tözüdä zur köç quyğanın da äyttelär alar. Qazanğa küçep kilgäç , partiäneñ Tatarstan ölkä komitetında ideologiä bülege sekretare bulıp eşläwen dä söylädelär.Ğomereneñ soñğı yıllarında Qazan mädäniät häm sänğät institutında rektor bulıp eşlägän çorın iskä töşerep, anıñ belän bergä eşlägän keşelär anı bik cılı itep iskä aldılar. Yäş buınnı tärbiäläwdä milli ruxnı yaqlawçı, ğöref-ğadätne saqlawçı olı yöräkle şäxes bularaq , anı üz çorınıñ geroe dip atadılar.Utırıştağı çığışlar rus telendä baru säbäple çığışlarnı birä almıybız.Utırış tämamlanğannan soñ İldus Tarxanov bu turıda tatarça Azatlıq radiosına interv'yu birde.Utırış tämamlanğaç, ğalimner, uqıtuçılar, studentlar tatar ziratına barıp Räis Belyäev qaberenä çäçäklär saldılar. Ä düşämbe kiçendä Çallı yaqtaşlar cämğiäte Ğ.Qamal teatrı binasında Räis Belyäevnı iskä alu kiçäsen uzdırdı.
Azatlıq radiosı Mälikä Basır, Qazan.
