Accessibility links

Кайнар хәбәр

Tatar häm başqort xalıqlarınıñ kürenekle şağire Şäyexzadä Babiçnıñ tuuına 110 yıl tuldı


Şuşı uñaydan Başqortstanda baytaq qına mädäni çaralar oyıştırıla. Ufada comğa könne ütkärelgän çara da näq menä şuşı yübiley çaraları qısalarında äzerlängän ide. Başqortstan Tışqı iqtisadí bäyläneşlär häm säwdä ministerlığınıñ keçe zalında «Babiç däresläre» dip atalğan «tügäräk östäl» söyläşüe bulıp ütte. Anda republíknıñ kiñ bilgele ädipläre, ğälimnäre, tarixçıları häm jurnalistlar cíılğan ide. Çığış yasawçılar Şäyexzadä Babiçnıñ ícatı häm tormışı turında baytaq qızıqlı mäğlümatlar birde. İke tuğandaş xalıqnıñ urtaq talantlı şäxeseneñ istälegen mäñgeläşterü yünäleşendä başqarılası eşlär xaqında da fiker alıştılar. Bu täñgäldä şaqtí ğına yaña täqdimnär äytelde. Şağirneñ tuğan yağı – Dürtöyle rayonında häm anıñ näsel cepläre totaşqan Mişkä rayonında muzeylar buldıru, kitapxanälärdä maxsus kürgäzmä äsbaplar, stendlar eşläw kebek igelekle ğämällärne bıyıl uq tormışqa aşırırğa kileşende.
XS
SM
MD
LG