Nobel tınıçlıq büläge iäse Şirin Ebadi Iran İnqilab mäxkamäse qarşına basu färmanına buysınmayaçağın belderde

Ebadi mäxkamägä çaqıru qanuni tügel, çönki anda çaqıru säbäbe äytelmägän di. Mäxkamägä kilmägän öçen Ebadi qulğa alınırğa mömkin. Ebadinıñ xoquq ölkäsendäge partnerı Möxämmät Ali Dadxa Farda radiosına bolay dip belderde.

AUDİO: Ebadi mäxkamägä mine häm tağın ike xoquqçını cibärergä buldı. Bez bu çaqırularğa rizasızlığıbıznı belderä alabız. Bez, xoquqçılar şulay uq ğömümän İnqilab mäxkamäseneñ eşçänlege bäxäsle dip sanıybız.

Ebadinıñ Xoquq Yaqlaw üzäge İnqilab mäxkamäse turında konstitutsiädä ber süz dä yuq dip anı tanudan baş tarta. Bu mäxkamä kübräk däwlät iminlege mäs'älälärenä bäyle eşlärne qarıy. Dadxa Associated Press agentlığına Ebadi ğäyeplänüçe bularaq tügel ä şahit bularaq çaqırılğan dide.