Accessibility links

Кайнар хәбәр

Rusiädä sotsial taşlamalar urınına aqçalata kompensatsiä birügä qarşı çığuçı pensionerlarnıñ protest çaraları


Rusiädä sotsial taşlamalar urınına aqçalata kompensatsiä birügä qarşı çığuçı pensionerlarnıñ protest çaraları däwam itä. St Peterburgta şimbädä ütkän demonstaratsiägä 10meñläp keşe qatnaşqan , bu älegäçä in zur qarşılıq çarası bulıp tora Yäkşämbedä Rusiäneñ başqa şähärlärendä dä uram cıyınnarı däwam itte.

Rusiädäge xabärçelär pensiä-täqäüttäge keşelärneñ protest aksiäläre Kreml öçen zur säyäsi qurqınıç bula ala dip belderä.Associated Press Peterdä 10meñnnän artıq keşe ä Mäskäwdä meñnärçä keşe sotsial taşlamalarnıñ kire qaytarıluın taläp itte dip xabär itte.

(audio) pensienärlar

Radiobıznıñ Stavropoldağı xabärçese meñnnärçä keşe bügen şähär üzägen blokadaladı dip belderä.Bilgele bulğança 1-nçe ğıynuarda käçkä kergän yaña qanun 32 million keşe gä qarıy, alar arasında täqäüttäge keşelär, suğış veterannarı ğariblär häm başqaları bar. Şulay itep alar xäzer yort çığımnarınnan alıp transportta yörügä qädär här närsä öçen üzläre tülärgä mäcbür bula. Birelgän aqçalata kompensatsiä kütärelgän bäyälär säbäple citmi. Associated Press Peterda ütkän cıyını Putinnıñ yaqınça 5 yıllıq möddätendäge in zur qänäğätsezlek protestı dip taswirlıy. Analitiklar qaraşınça ütkändä Rusiä watandaşlarınıñ küpçelege Kreml inisiativaların yä yaqladı yäki qabul itte. Ämma şimbädäge kebek Putinnı çigenergä çaqırmadı

xalıq (audio)

Ütkän atnada qarşılıq kürsätü çaraları artıp kitkäç Küp kenä urınnarda cirle citäkçelär demonstrantlarnıñ qayber taläplären waqıtlıça üti başladı. Mäskäw töbägendä pensionerlar tranportta buşlay yöri alaçaq . Şulayuq Mäskäw Cirle Duması kiläse atnada pensielärne arttıru mäsäläsen qarıyaçaq. Ütkän atnada Mäskäw bistälärendä yözlärçä pensioner yullarnı yaptı Demonstratsiägä qatnaşqan pensiädäge injiner Mixael Yermakov NYT basması xabärçesenä xalıq üzlegennän cıyıla ,bu Mäskäw räsmiläre öçen qurqınıçlı bula ala, Prezident Putin partiäse säyäsi tsunami aldında tora dip söylägän Yermakov .Putin häm Berdän Rusiä citäkçelege yaña qanun iske kommunistik sistema qaldığın beterü öçen möhim reforma bulıp tora dip yaqlap çıqtı.Analitiklar citäkçelek küpçelege subsidielärgä tayanıp yäşewçe xalıqtan mondıy zur qarşılıq kürsätü bulır dip kätmägän ide digän fikerdä. Pensiädägelärgä 100dolardan da azıraq aqça tülänä. Rusiä çirkäwe başlığı Aleksey 2nçe dä yaña qanun turında sorawlar quyğan.Parlamentnıñ kommunist äzğası Aleksey Kondaurov qanun häm protestlar säyäsi sistemanıñ kimçelegen kürsätä Berdäm Rusiä opozitsion partiälär belän kompromis tügel söyläşüne dä kire qağa dip şiqäyät itkän. Peterdä Gubernator Valentina Matviyenko protest belderüçelärneñ qayberläre belän söyläşkän. Ul avtobus , tranvaylar öçen arzanraq biletlär şulayuq bu xaqta Putin belän söyläşüne wäğdä itkän. Putin şimbädä Peterburgta ide, ämma ul cämäğätçelek aldında kürenmäde färidä xämit
XS
SM
MD
LG