Rusiädä pensionerlarnıñ yulda yörü öçen bulğan taşlamaların aqçağa alıştıruğa qarşı protest çaraları ilneñ Yıraq Könçığışına da barıp citte. Xabarovski uramnarına bügen meñgä yaqın keşe çıqqan. 2 meñgä yaqın keşe Angarskta, şulay uq Ussuriysk häm Saxalinda da qarşılıq çaraları uzğan.
Premyer-ministr Mixail Fradkovnıñ kiçäşçese general Vladimir Şamanov, xärbilär arasında da sosial reformalarğa rizasızlıq bar, dip belderde.
Uzğan şimbä könne Peterburda uram cıyınında 10 meñgä yaqın keşe çıqqan, kiçä meñgä yaqın olı keşe protest çarası waqıtında prezident Vladimir Putinnıñ wazifasınnan kitüen häm taşlamalarnıñ qaytarıluın taläp itkän.
Rusiä iminlek köçläreneñ uzğan yal könnäre Dağıstan başqalası Maxaçkala yanında suğışçılar belän bulğan bäreleşlärdän soñ – höcüm yasalğan yortta 5 mäyet tabılğan. Dağıstan Federal İminlek Xezmäte baçkığı Nikolai Gryaznov süzlärenä qarağanda, ülgännärneñ kem bulğanı açıqlana bara, dip xäbär itte: "Cimereklär astınnan böten mäyetlär çığarıldı. Qaçıp yatqan 5 keşeneñ barısı da üterelgän. Alarnıñ qayberläreneñ kem bulğanı bilgele" dide Dağıstan iminlek xezmäte başlığı.
Maxaçkala çitendä atışlar 15 säğat däwam itkän. Suğışçılar qaçıp yatqan yortqa tank häm awır artilleriä ut açqan. Höcümdä Rusiäneñ terrorğa qarşı maxsus köçläreneñ ber xezmätkäre hälak bulğan.
