Däwlät Sekretare itep bilgelängän Condoleezza Rice, prezident George Bushnıñ ikençe mäddätendä Amerika Quşma Ştatları diplomatiägä basım yasıyaçaq, dip belderde: "Amerika häm bezneñ berektäşlär başqarğa eşlär awır buldı, ämma kiräk häm döres ide. Xäzer şuşı qazanışlarğa tayanıp, dönyanı imin häm irekle itü waqıtı citte. Bez dönyada ireklek bulsın öçen köç ballansın buldırırğa, anıñ öçen amerikan diplomatiäsen qullanırğa tieşbez. Dimplomatiä waqıtı citte," dide Condoleezza Rice.
Bügen häm irtägä Rice Senat qarşında çığış yasıy. Demokratlardan Rice kisken sorawlar işeter, dip farazlana. Alar aldında elekke milli iminlek kiçäşçese Rice, Ğiraqtağı qoral mäs'äläsen suğışqa kiterep citkerü turında xisap totaçaq. Condoleezza Rice Senattan xuplaw alır, dip kötelä.
