Accessibility links

Кайнар хәбәр

Äfğanstanda general Abdul Räşid Dostum üzenä yasalğan höcümdä cärähätlär aldı


Äfğanstandağı iñ tä'sirle xärbi citäkçelärneñ berse sanalğan etnik üzbäk generalı Abdul Räşid Dostum bügen üzenä yasalğan höcümnän cärähätlär belän qotılıp isän qaldı. Dosum yanında berniçä metrda yäş intixarçı üz üzen şartlattı. Älege waqıtta anıñ kem bulğanın açıqlıylar. Şartlaw ğayet namazın uqıp betergän çaqta yañğrağan. Dostum üze ul höcümne menä niçek iskä ala: "Ayağıma kiep yata idem. Tän saqçıları – mine ğayet belän qotlarğa teläk beldergän bik küp keşene ayırırğa tırışqanda – şartlaw yañğradı. Allağa şöker, miña ber ni dä bulmadı," dide general. Tabip Hasoon Arif, Azatlıq radiosına, Dostum belän intixarçı arasında bulğan 20gä yaqın keşe yaralandı, dip söyläp birde. Dostum xosusi tärip saqlaw köçlären citäkli. Berläşkän Millätlär Oyışmasınıñ qoralsızlandıru programması waqıtında alar qoralların tulısınça tapşırmadı. Dostum 2001nçe yılnıñ azağında amerikan koalisiäsenä Taliban xakimiätenä qarşı suğış alıp barırğa yardäm itte, soñıraq küçeş çorı xökümäteneñ saqlanu ministrı urınbasarı buldı. Äfğanstan prezidentı Hamid Qarzai, uzğan üktäber saylawlarınnan soñ anı yaña xökümätkä täqdim itmäde. Aldağı 6 ay Äfğanstan öçen kierenke çor bulaçaq. İl parlament saylawlarına äzelänä. Äfğanstanda narkotiklarğa qarşı köräş ministrı Habibulla Qaderi belän oçraşqan NATOnıñ Qabuldağı wäkile Hikmet Çetin, NATO üz köçlären könbatış Äfğanstanğa da cibärer digän ömet belderde.
XS
SM
MD
LG