22 ğinwar könne Ufada tağın ber kiñ qolaçlı uram cıyını ütäçäk. Soñğı könnärdä başqalanıñ küp yortları, oyışmaları binaları diwarları şuşı qarşılıq çarasında qatnaşarğa çaqırıp yazılğan öndämälär belän çuarlandı. Alar berniçä eçtälekle. Qayberlärendä pensionerlarnı şuşı uram cıyınında aqtiv qatnaşırğa çaqırsalar, ikençe beräwlärendä urındağı üzidärä orğannarına citäkçelärne barı tik saylawlar ütkärüne genä yaqlap referendum oyıştıruğa äzerlek xaqında bäyän itelä. Dimäk, Ufadağı qarşılıq çarasında sotsiäl mäsälälär genä tügel, ä säyäsi problemnar da kütäreläçäk.
Aldan uq xäbär itelüençä, şimbä köngä täğayınlängän uram cıyınnarın Başqortstan hönär berlekläre, Kommunistlar firqäse, «Rodina» firqäse häm başqa ictimağıy häm milli xäräkätlär oyıştıra. Başqortstan tatar milli oyışmaları berlege häm Başqortstan Tatar milli- mädäni moxtäriäte dä bu cıyınnı oyıştıruçılar isemlegendä. Tatar oyışmaları bu qarşılıq çarasında, nigezdä, urındağı üzidärä başlıqların saylap quyuğa qağılışlı cämägätçelekkä üz mönäsäbäten citkerergä teli. Başqortstan Tatar ictimağıy oyışması räise Ayrat Ğiniätullin äytüençä, respublik xaqimiätläre isem öçen genä urınnardağı üzidärä başlıqların saylap quyu tärtiben ğämälgä quyunı yaqlasa da, asılda alar bu täñgäldä elekke xälneñ qaluın teli, yägni mäsälän, alar öçen urınnardağı xaqimiätlär başlıqların saylap tügel, ä moñarçı bulğanıça, östän täğayınläp quyu ğına caylı bulır ide. Çönki bilgeläp quyılğan keşene tezgendä totıp bula, aña närsä quşsañ, ul şunı eşläyäçäk. Ayrat Ğiniätullin äytüençä, äle respublikta urınnardağı üzidärä başlıqların saylap quyu xaqında referendum ütkärüne yaqlap qultamğalar cıyu eşe tämamlanıp kilä. Bu eş 28 ğinwarğa qädär genä röxsät itelgän. Şuñarçı barlıq saylawçılarnıñ 3 protsentınıñ referendumnı yaqlap imza saluı kiräk. Älege qatlawlı eşne oyıştıruçılar bu külämneñ artığı belän cıyılaçağın ışandıra.
Şulay itep, bu şimbä Ufa xaqimnärenä genä tügel, ä bar respublik türälärenä dä tınğısızlıq alıp kilä. Qarşılıq cıyını Ufa xaqimiäte binası aldında, Lenin isemendäge mäydanda ütäçäk. Ägär inde militsiä xezmätkärläre quıp taratmasa. Cıyınnı oyıştıruçılar älege çarağa 20-30 meñ keşe kiler dip kötä. Älege uram cıyının ütkärügä qarşı buluçılar da tabıldı. Qayber ictimağıy oyışmalar citäkçeläre şuşı qarşılıq çarasın oyıştırunıñ yaramağan eş buluın belderep 21 ğinwar könne ber möräcägät qabul itte. Möräcägätkä qul quyuçılar arasında respubliktağı mari, çuaş, alman, uqrain xalıqlarınıñ milli oyışmaları citäkçeläre bar. Ämma bu möräcägätkä qul quymağan oppozitsiä köçläre älege möräcägätne räsmi xaqimiätlärneñ oyıştırğanlığın äytä.
Şimbä ütäçäk cıyınğa Rusiä Kommunistlar partiäseneñ Başqortstan bülege wäkilläre comğa könne ük repetitsiä ütkärde inde. Qızıl bayraqlar totqan ber törkem kommunistlar 21 ğinwar könne Lenin isemen yörtkän mäydanğa kilep, anda üz yulbaşçılarınıñ häykälenä çäçkälär saldı. Ber yöz tiräse genä fikerdäşlären cıya alğan bu törkem, Kommunistlar partiäseneñ Başqortstan bülege räise wazıyfaların başqaruçı Vladimir Nesterovnıñ Lenin babayğa mädxiä cırlağan qısqaça notığın tıñlağaç, beraz taptanıp tordı da, yartı säğät eçendä taralışa da başladı. Xäter çarasında qatnaşuçı ölkän yäştäge keşelärne könneñ salqınlığı da qualadı buğay.
Aldan uq xäbär itelüençä, şimbä köngä täğayınlängän uram cıyınnarın Başqortstan hönär berlekläre, Kommunistlar firqäse, «Rodina» firqäse häm başqa ictimağıy häm milli xäräkätlär oyıştıra. Başqortstan tatar milli oyışmaları berlege häm Başqortstan Tatar milli- mädäni moxtäriäte dä bu cıyınnı oyıştıruçılar isemlegendä. Tatar oyışmaları bu qarşılıq çarasında, nigezdä, urındağı üzidärä başlıqların saylap quyuğa qağılışlı cämägätçelekkä üz mönäsäbäten citkerergä teli. Başqortstan Tatar ictimağıy oyışması räise Ayrat Ğiniätullin äytüençä, respublik xaqimiätläre isem öçen genä urınnardağı üzidärä başlıqların saylap quyu tärtiben ğämälgä quyunı yaqlasa da, asılda alar bu täñgäldä elekke xälneñ qaluın teli, yägni mäsälän, alar öçen urınnardağı xaqimiätlär başlıqların saylap tügel, ä moñarçı bulğanıça, östän täğayınläp quyu ğına caylı bulır ide. Çönki bilgeläp quyılğan keşene tezgendä totıp bula, aña närsä quşsañ, ul şunı eşläyäçäk. Ayrat Ğiniätullin äytüençä, äle respublikta urınnardağı üzidärä başlıqların saylap quyu xaqında referendum ütkärüne yaqlap qultamğalar cıyu eşe tämamlanıp kilä. Bu eş 28 ğinwarğa qädär genä röxsät itelgän. Şuñarçı barlıq saylawçılarnıñ 3 protsentınıñ referendumnı yaqlap imza saluı kiräk. Älege qatlawlı eşne oyıştıruçılar bu külämneñ artığı belän cıyılaçağın ışandıra.
Şulay itep, bu şimbä Ufa xaqimnärenä genä tügel, ä bar respublik türälärenä dä tınğısızlıq alıp kilä. Qarşılıq cıyını Ufa xaqimiäte binası aldında, Lenin isemendäge mäydanda ütäçäk. Ägär inde militsiä xezmätkärläre quıp taratmasa. Cıyınnı oyıştıruçılar älege çarağa 20-30 meñ keşe kiler dip kötä. Älege uram cıyının ütkärügä qarşı buluçılar da tabıldı. Qayber ictimağıy oyışmalar citäkçeläre şuşı qarşılıq çarasın oyıştırunıñ yaramağan eş buluın belderep 21 ğinwar könne ber möräcägät qabul itte. Möräcägätkä qul quyuçılar arasında respubliktağı mari, çuaş, alman, uqrain xalıqlarınıñ milli oyışmaları citäkçeläre bar. Ämma bu möräcägätkä qul quymağan oppozitsiä köçläre älege möräcägätne räsmi xaqimiätlärneñ oyıştırğanlığın äytä.
Şimbä ütäçäk cıyınğa Rusiä Kommunistlar partiäseneñ Başqortstan bülege wäkilläre comğa könne ük repetitsiä ütkärde inde. Qızıl bayraqlar totqan ber törkem kommunistlar 21 ğinwar könne Lenin isemen yörtkän mäydanğa kilep, anda üz yulbaşçılarınıñ häykälenä çäçkälär saldı. Ber yöz tiräse genä fikerdäşlären cıya alğan bu törkem, Kommunistlar partiäseneñ Başqortstan bülege räise wazıyfaların başqaruçı Vladimir Nesterovnıñ Lenin babayğa mädxiä cırlağan qısqaça notığın tıñlağaç, beraz taptanıp tordı da, yartı säğät eçendä taralışa da başladı. Xäter çarasında qatnaşuçı ölkän yäştäge keşelärne könneñ salqınlığı da qualadı buğay.
