Ğiraqtan çittä 14 ildä yäşäwçe ğiraqlılar 30-nçı ğinwarda ütäçäk saylawlarğa ike kön qala tawış birä başladı.
BMO Xalıqara Migratsiä Xezmäte yardäme belän çittä yäşäwçe ğiraqlılarnıñ 280 meñnän artığı tawış birü öçen terkälde. Törle illärdä 74 tawış birü urını buldırıldı.
Ğiraqnıñ üzendä küçeş çorı xökümäte iminlek çaraların arttırdı. Ğisyançılarnıñ qarşılıq çaralarına yul quymaw öçen çiklär yabıldı, komendant säğätläre arttırıldı, transport xäräkäte çiklände.
Şulay da bügen Bağdadta politsiä binası yanında maşinağa quyılğan bomba şartlap 4 sivil keşene üterde. Berazdan yaqında ğına, tawış birü urını bularaq faydalanılaçaq mäktäp yanında maşinağa quyılğan tağın ber bomba şartladı. Çärşämedän birle ğisyançılar höcümnärennän kimendä 48 ğiraqlı häm 7 AQŞ xärbie hälak buldı.
