Accessibility links

Кайнар хәбәр

Hamas suğışçan törkeme Gaza Sızığındağı cirle saylawlarda zur ciñü yawladı


Hamas suğışçan törkeme Gaza Sızığında soñğı berniçä yılda berençe märtäbä ütkän cirle saylawlarda moñarçı östenlektä bulğan Fatah xäräkäten ciñüne bäyräm itä. Räsmi näticälärgä qarağanda, 10 cirle şuraladağı 118 urınnıñ kimendä 75-en Hamas yawlağan. Fälestin cirle mäs'älälär ministrı Camal äş-Şobaqi tawış birüdä saylawlçılarnıñ 85 protsentı qatnaştı häm 118 ciñüçeneñ 20-se xatın qız dide. Saylawlarda Hamasnıñ töp şiğare korrupsiägä qarşı köräş buldı. Hamas şulay uq, Fälestin Xakimiäten tanımasa da Berdäm milli citäkçelek şiğaren kütärep bu xakimiät belän eşlärgä teläwen kürsätte. Hamas dikäber ayında Könbatış Yarda ütkän cirle saylawlarda da berniçä şähärdä ciñügä ireşkän ide.
XS
SM
MD
LG