26 ğinwarda İsaakiy mäydanında Qanunnar cıyılışı yanında miting bulaçağı, anı ütkärergä röxsät birelüe turında xäbär itkän idek inde. "Layıqlı pensiä öçen" – "За достойную пенсию" baş astında uzdırılğan bu cıyın Qanunnar cıyılışı deputatları eş başlarğa yartı säğät qalğaç açıldı. Bu waqıtnı oyıştıruçılar maxsus bilgelägännär: deputatlarğa alarnıñ xalıq wäkilläre häm xalıq mänfägätlären yaqlarğa tieşle ikänleklären iskä töşerü öçen. Näticädä deputatlar eş urınnarına qıyınlıq belän genä ütte. Bu mitingta 500dän artıq keşe qatnaştı, şaqtıy öleşe yäşlär ide. Qullarında- “Позор!”, “Ворюги!”, “Позор Единой России!” digän şiğärlär. Ber pensionernıñ “Berdäm Rusiä“ biletın yandıruın da xalıq xuplap qarşı aldı.
Cıyında manifestantlarnıñ 13 punkttan torğan taläplären Yevgeniy Kozlov uqıdı. Anda 122-nçe Federal qanunnı ğämäldän çığaru, pensiäneñ töp öleşen 3 meñ sumğa, transport öçen kompensatsiäne 600gä citkerüdän tış, monetizatsiägä qağılışı bulmağan taläplär dä kergän. Misal öçen, uquçılarğa häm studentlarğa transportta buşlay yörü, xalıqqa Peterburg ğubernatorın saylap quyu xoquğın, tuqtalışlardağı säwdä pavilonnarın qaytaru häm başqalar.
Deputatlar mäydanğa çıqqaç, cıyındağılar alarğa ozaq qına söylärgä mömkinçelek birmi tordılar. Mömkinçelek tuğaç, spiker Vadim Tyulpanov cıyındağılarnıñ berniçä wäkilenä Qanunnar cıyılışına uzarğa täqdim itte. Demokratik fraksiä deputatı Sergey Gulyaev çaqırğan xalıq wäkillärenä Qanunnar cıyılışınıñ utırışında bulırğa da röxsät itelde. Utırış tulısı belän monetizätsiäğa bağışlanğan ide häm andağı şaw-şu mäydandağıdan kim bulmağandır. Kön tärtibendäge töp soraw - kompensatsiä yuqqa çığarılğan taşlamarnı qaplata alamı. İğtisadi, sotsial häm mädäni xoquqlar turındağı Xalıqara kileşüneñ 11nçe matdäse nigezendä härkem tormış şartlarınıñ yaxşıra baruına xoquqlı. Ä inde 122-nçe Federal qanun bu xoquqnı bozuğa kiterä digän näticä yasaldı. Bu qanunnıñ Konstituiägä turı kilü-kilmäwen açıqlaw öçen Qanunnar cıyılışı deputatları Konstitutsion mäxkämägä möräcägät itärgä äzerleklären belderdelär. Ğadi xalıqqa Konstitutsion mäxkämägä möräcägät itär öçen şäxsi xoquqları bozılunı isbatlarğa, şähär, Yuğarı mäxkämäne ütärgä kiräk. Rusiädä berençe bulıp Peterburg deputatları manifestantlar taläbenä yuridik tös birep Konstitutsion mäxkämägä üzläre möräcägät itäçäklär.
Gölzadä Kamalova, Peterburg
Cıyında manifestantlarnıñ 13 punkttan torğan taläplären Yevgeniy Kozlov uqıdı. Anda 122-nçe Federal qanunnı ğämäldän çığaru, pensiäneñ töp öleşen 3 meñ sumğa, transport öçen kompensatsiäne 600gä citkerüdän tış, monetizatsiägä qağılışı bulmağan taläplär dä kergän. Misal öçen, uquçılarğa häm studentlarğa transportta buşlay yörü, xalıqqa Peterburg ğubernatorın saylap quyu xoquğın, tuqtalışlardağı säwdä pavilonnarın qaytaru häm başqalar.
Deputatlar mäydanğa çıqqaç, cıyındağılar alarğa ozaq qına söylärgä mömkinçelek birmi tordılar. Mömkinçelek tuğaç, spiker Vadim Tyulpanov cıyındağılarnıñ berniçä wäkilenä Qanunnar cıyılışına uzarğa täqdim itte. Demokratik fraksiä deputatı Sergey Gulyaev çaqırğan xalıq wäkillärenä Qanunnar cıyılışınıñ utırışında bulırğa da röxsät itelde. Utırış tulısı belän monetizätsiäğa bağışlanğan ide häm andağı şaw-şu mäydandağıdan kim bulmağandır. Kön tärtibendäge töp soraw - kompensatsiä yuqqa çığarılğan taşlamarnı qaplata alamı. İğtisadi, sotsial häm mädäni xoquqlar turındağı Xalıqara kileşüneñ 11nçe matdäse nigezendä härkem tormış şartlarınıñ yaxşıra baruına xoquqlı. Ä inde 122-nçe Federal qanun bu xoquqnı bozuğa kiterä digän näticä yasaldı. Bu qanunnıñ Konstituiägä turı kilü-kilmäwen açıqlaw öçen Qanunnar cıyılışı deputatları Konstitutsion mäxkämägä möräcägät itärgä äzerleklären belderdelär. Ğadi xalıqqa Konstitutsion mäxkämägä möräcägät itär öçen şäxsi xoquqları bozılunı isbatlarğa, şähär, Yuğarı mäxkämäne ütärgä kiräk. Rusiädä berençe bulıp Peterburg deputatları manifestantlar taläbenä yuridik tös birep Konstitutsion mäxkämägä üzläre möräcägät itäçäklär.
Gölzadä Kamalova, Peterburg
