Accessibility links

Кайнар хәбәр

Şveysariäneñ Davos şähärendä Dönya İqtisadi Forumı däwam itä


Xalıqara Atom Energiäse Agentlığı başlığı Möhammäd ElBaradai, İran idaräneñ atom inspektorları belän xezmättäşlek itä, küzätüçelär İrannıñ atom programmasın öyränä, dip belderde. İran Britaniä, Fransiä häm Germaniä belän atom atom programmasın tuqtatu xisabına iqtisadi yardäm alu turında söyläşülär alıp bara. ElBaradei bu söyläşülärneñ näticäle buluına ömet belderde. Xalıqara cıyında qatnaşqan Ukraina prezidentı Viktor Yuçenko, Ukraina xökümäten rişwätçelek häm bürokratiädän arındıru plannarı turında söyläde. Häm Ukrainağa investisiä bularaq çittän yılına barı tik 600 million dollarnıñ kerüe – oyat, dide. Hollywood yoldızı Şaron Stone kiçä cıyında 5 minut eçendä malyariägä qarşı köräş öçen 1 million dollar cıydı. Tanzaniä prezidentı Benniamin William Mkapa çığışınnan soñ torıp basıp Şaron Stone, min menä xäzer – 10 meñ dollar biräm, dide: "Prezident Mkapa çığışı miña bik zur tä'sir yasadı. Aña bügen yardäm kiräk. Ägär qarşı kilmäsägez min xäzer ük sezgä yardäm täqdim itäm. Bügen ük çirkilärdän saqlar öçen yataq östenä çeltär alırğa 10 meñ dollar biräm" dide Stone. Şunnan soñ kino yoldızı başqalarnı da aña quşılırğa çaqırıdı häm Afrika balalarına 1 million dollar aqça cıyıldı. Afrikada malyariä çirklärennän saqlana almıyça awırıp ayına yaqınça 150 meñ bala ülä. Anda xäyerçelek häm törle çirlärgä qarşı köräş – bu atnada Şveysariäneñ Davos şähärendä uzğan iqtisadi forumnıñ köntärtibendäge mäs'älälärneñ berse ide.
XS
SM
MD
LG