Accessibility links

Кайнар хәбәр

“Yaña säyäsät” berençe urınğa sotsial mäsälälärne quya


Düşämbe könne Qazanda “Yaña säyäsät” ictimaği xäräkäteneñ säyäsi şurası utırışı uzdı. İnde xäbär itkänebezçä bu xäräkät uzğan atna azağında oyıştı. Aña Tatarstandağı oppozitsiädäge barlıq diärlek säyäsi firqälär häm xäräkätlär, ictimaği oyışmalar kerdelär. Bu berläşüneñ säbäbe itep respublika xakimiäte alıp barğan säyäsät belän kileşmäw kürsätelä. Regions.Ru birgän xäbärdä “Yaña säyäsät” xäräkäte üzeneñ deklaratsiäsendä respublikadağı säyäsi wäzğıätne- “ğämäldä barlıq ere häm urtaça biznes çinovniklarda häm alarğa yaqınnarında buluı säbäple Tatarstan xakimiäteneñ biznes belän quşıluı barlıqqa kilde” dip bäyäli dielä. Şuña kürä citäkçe kadrlar bilgelägändä, xakimiät strukturaları tözegändä häm däwlät keremnären bülgändä qabiläçelek alımı belän eş yörtelä dip sanıy “Yaña säyäsät” häm iqtisadıy, sotsial'' häm kadrlar säyäsäten kardinal''üzgärtü zarurlığın täqrarlıy. Säyäsi şuranıñ berençe utırışında şuşı maqsatqa ireşüneñ taktikası, yünäleşläre bilgelände, yünäleşlärne alıp baruçı komissiälär saylandı. Şura utırışında qatnaşuçı firqälär häm xäräkätlär wäkilläre ideologiäläre belän qayber oçraqta qapma qarşı bulsalar da, utırış demokratik ruxta bardı. Härkemneñ fikere tıñlandı, komissiä citäkçese buluda ixtiarı ide. İreksezläw, mäcbür itü käyefläre bulmadı. Şul räweştä “Yaña säyäsät” şurasında altı komissiä häm ber eşçe törkem buldırıldı. Komissiälärne “Yaña säyäsät” şurasınıñ räistäşläre citäkli. Sotsial'' reformalar yünäleşendäge komissiälär iñ alğı planğa çığarıldı häm alarnı täcribäle säyäsätçelär citäkli. Berençe komissiä- Toraq-kommunal'' xucalıq komissiäse. Anı Däwlät Şurası deputatı Robert Sadıyqov citäkli. Sotsial'' mäs''älälär komissiäse räise itep ğalim, “SLON” xäräkäte liderı Aleksandr Belyaev saylandı. Şurada milli säyäsät komissiäse dä buldırıldı. Anıñ räise “Bolğar kongressı” citäkçese Ğosman Xälilov. Şulay itep, Tatarstan oppozitsiäse, räsmi xakimiät säyäsäte belän kileşmäw nigezendä. Tağın ber tapqır berläşep xäräkät itärgä niätli. Tuqsanınçı yıllar azağında“Tügäräk östäl” bulıp berläşü, säyäsi açlıq iğlan itü kebek kisken ğämällärgä qaramastan, näticäsez tämamlanğan ide.

Yunıs Ätnäle.

XS
SM
MD
LG