Gruziä premyer ministrı Zurab Jvania 3 politsiä xezmätkären ütergän, kimendä 13 keşene yaralağan şartlaw öçen separatist könyaq osetiälelärne ğäyeplärgä aşıqmasqa çaqırdı.
Kiçä Gori şähärendä politsiä binası yanında maşinağa quyılğan bomba şartlağan ide. Gori Könyaq Osetiägä bik yaqın urnaşqan.
Şartlaw öçen cawaplılıqnı älegä beräw dä üz östenä almadı. Gruziä eçke eşlär ministrı Vano Merabişvili xakimiätlär bu şartlaw artında cinayätçe osetin törkemnäre tora dip isäpli dide.
