Accessibility links

BMOnıñ suğış cinayätläre baş prokurorı Carla del Ponte Çernogoriä citäkçeläre belän oçraştı


Del Ponte Balkan illäreneñ suğış cinayätlärendä şiklänelüçelärne tota almawı öçen xalıqara cämäğätçelek dä ğäyeplänergä tieş dide. Monı ul Podgorikada Çernogoriä citäkçeläre belän oçraşudan soñ äytte. 1992-nçe 95-nçe yıllardağı Bosniä suğışı tämamlanuğa 10 yıl ütsä dä BMO mäxkamäse tarafınnan suğış cinayätläre qıluda ğäyeplänüçe töp keşelär, suğış çorındağı Bosniä Serbları citäkçese Radovan Karadjiç häm Bosniä serblarınıñ ul çaqtağı xärbi citäkçese Ratko Mladiç irektä. Del Ponte Mladiç Serbiädä dip isäpläwe turında äytsä, Serbiä xakimiätläre monı kire qağa. Karadjiç Bosniädä yäşerengän dip isäplänelä. Kiñküläm mäğlümät çaraları anı Çernogoriädä kürgännär dip tä xäbär itte. Çernogoriä citäkçeläre Del Pontenı BMO mäxkamäse belän tulısınça xezmättäşlek itäbez dip ışandırğan.
XS
SM
MD
LG