Britaniäneñ 4 nçe xäbärlär kanalı pänceşämbe kiçke çığarılışın bolay başladı:
Audio (Channel 4 News moderatorı)
"Başqaça äytkändä, bu Rusiäneñ 11 sintäber faciğäse. Beslannıñ 1 sanlı mäktäbennän totıqlarnı qotqaru waqıtında 330dan artıq keşe häläq buldı, kübese balalar. Şuşı qanlı waqiğa artında torğan Çeçen komandirı Şamil Basaev bügen Channel 4 News kanalında monı qabat eşliäçägen äytä."
Bu äñgämädä Basaev Britan kanalı Beslan faciğäsennän soñ berniçä qul aşa tapşırğan sorawlarğa cawaplar birä. Qulında granotomer, aldında laptop, artındağı diwarda "Lä illahı il Allah, Möhämmät räsül Allah" dip yazılğan eläm. Tüşenä urıs xärefläre belän "Антитеррор" dip yazılğan, äñgämä barışında Basaev üzeneñ eşçänlegen terrorğa qarşı dip atıy. Beslan öçen genä tügel, Dubrovka teatrı, Mäskäw metrosındağı şartlawlar, hawada şartlağan ike oçqıç öçen cawaplılıqnı üz östenä ala. Üze äytüençä, başta ul Mäskäw häm Peterbur mäktäplären alırğa telägän, läkin aqça citmäw säbäple Beslanda tuqtalğan. Beslan mäktäbendä bulğannardan Basaev üze dä "şok kiçerüen" äytä. Anıñ süzlärençä, ul Rusiä räsmiläre söyläşügä barır dip uylağan. Balalarnıñ üleme öçen ul Rusiäneñ maxsus köçlären ğäyepli. Anıñ süzlärençä, alarnıñ ognemettan ut açuı näticäsendä yanğın çıqqan häm mäktäpneñ tübäse işelgän.
Basaev Çeçen suğışçıları belän söyläşergä telämägän Rusiä citäkçelegenä, berençe çiratta prezident Putinğa tänqit belderä häm yaña terror ğämälläre belän yanıy. Rusiä xärbilären genä tügel, Rusiäneñ ğadi watandaşların da doşman dip atıy. Çönki, bu keşelär salım tüli, ä ul aqçalar suğışqa kitä, di ul. Çeçnädağı suğış ğämällären öşkergän çirkäw citäkçelären dä doşman dip atıy.
Basaev süzlärençä, küptän tügel Masxadov belän oçraqşanda İçkeriä prezidentı anı Beslan öçen Şäriğät mäxkämäsenä tapşıraçağın äytkän. Basaevqa sorawlar äzerlägän 4nçe kanal xäbärçese Nicholas Sturdee cawapnıñ bu öleşe turında bolay di:
Audio (Nicholas Sturdee)
"Basaev bar ğämälläre öçen Şäriğät aldında cawap totarğa äzer buluın, mäxkämäneñ teläsä nindi qararın qabul itäçägen äytte. Tik ber şart belän: bu mäxkämä Rusiä xärbiläre Çeçnädän kitep, suğış betkännän soñ ütergä tieş."
Räsmi Mäskäw bu äñgämäne kürsätüne başta tıyarğa tırıştı, kürsätelgäç - açulı reaksiä belderde. Tışqı eşlär ministrlığı anı terrorçılarğa mäğlümäti yärdäm kürsätü dip atadı. Moña cawap itep Britaniä tışqı eşlär ministrlığı, 4nçe kanal – şäxsi kanal bulıp tora, ul qararnı üze qabul itä, xökümätneñ moña br qatışı da yuq dide.
Britaniäneñ 4nçe kanal citäkçeläre isä, äñgämäne kürsätü Basaevnıñ ğämällären xuplawnı añlatmıy, kiresençä, bez alarğa kisken tänqit belderäbez. Mäglümät belän qızıqsınu bar ikän – bez anı citkeräbez. Bu küzlektän qarağanda, Basaevnı kürsätü Osama ben Ladennı kürsätüdän ber närsä belän ayırılmıy, digän cawap qaytardı.
-Ali Gilmi
Audio (Channel 4 News moderatorı)
"Başqaça äytkändä, bu Rusiäneñ 11 sintäber faciğäse. Beslannıñ 1 sanlı mäktäbennän totıqlarnı qotqaru waqıtında 330dan artıq keşe häläq buldı, kübese balalar. Şuşı qanlı waqiğa artında torğan Çeçen komandirı Şamil Basaev bügen Channel 4 News kanalında monı qabat eşliäçägen äytä."
Bu äñgämädä Basaev Britan kanalı Beslan faciğäsennän soñ berniçä qul aşa tapşırğan sorawlarğa cawaplar birä. Qulında granotomer, aldında laptop, artındağı diwarda "Lä illahı il Allah, Möhämmät räsül Allah" dip yazılğan eläm. Tüşenä urıs xärefläre belän "Антитеррор" dip yazılğan, äñgämä barışında Basaev üzeneñ eşçänlegen terrorğa qarşı dip atıy. Beslan öçen genä tügel, Dubrovka teatrı, Mäskäw metrosındağı şartlawlar, hawada şartlağan ike oçqıç öçen cawaplılıqnı üz östenä ala. Üze äytüençä, başta ul Mäskäw häm Peterbur mäktäplären alırğa telägän, läkin aqça citmäw säbäple Beslanda tuqtalğan. Beslan mäktäbendä bulğannardan Basaev üze dä "şok kiçerüen" äytä. Anıñ süzlärençä, ul Rusiä räsmiläre söyläşügä barır dip uylağan. Balalarnıñ üleme öçen ul Rusiäneñ maxsus köçlären ğäyepli. Anıñ süzlärençä, alarnıñ ognemettan ut açuı näticäsendä yanğın çıqqan häm mäktäpneñ tübäse işelgän.
Basaev Çeçen suğışçıları belän söyläşergä telämägän Rusiä citäkçelegenä, berençe çiratta prezident Putinğa tänqit belderä häm yaña terror ğämälläre belän yanıy. Rusiä xärbilären genä tügel, Rusiäneñ ğadi watandaşların da doşman dip atıy. Çönki, bu keşelär salım tüli, ä ul aqçalar suğışqa kitä, di ul. Çeçnädağı suğış ğämällären öşkergän çirkäw citäkçelären dä doşman dip atıy.
Basaev süzlärençä, küptän tügel Masxadov belän oçraqşanda İçkeriä prezidentı anı Beslan öçen Şäriğät mäxkämäsenä tapşıraçağın äytkän. Basaevqa sorawlar äzerlägän 4nçe kanal xäbärçese Nicholas Sturdee cawapnıñ bu öleşe turında bolay di:
Audio (Nicholas Sturdee)
"Basaev bar ğämälläre öçen Şäriğät aldında cawap totarğa äzer buluın, mäxkämäneñ teläsä nindi qararın qabul itäçägen äytte. Tik ber şart belän: bu mäxkämä Rusiä xärbiläre Çeçnädän kitep, suğış betkännän soñ ütergä tieş."
Räsmi Mäskäw bu äñgämäne kürsätüne başta tıyarğa tırıştı, kürsätelgäç - açulı reaksiä belderde. Tışqı eşlär ministrlığı anı terrorçılarğa mäğlümäti yärdäm kürsätü dip atadı. Moña cawap itep Britaniä tışqı eşlär ministrlığı, 4nçe kanal – şäxsi kanal bulıp tora, ul qararnı üze qabul itä, xökümätneñ moña br qatışı da yuq dide.
Britaniäneñ 4nçe kanal citäkçeläre isä, äñgämäne kürsätü Basaevnıñ ğämällären xuplawnı añlatmıy, kiresençä, bez alarğa kisken tänqit belderäbez. Mäglümät belän qızıqsınu bar ikän – bez anı citkeräbez. Bu küzlektän qarağanda, Basaevnı kürsätü Osama ben Ladennı kürsätüdän ber närsä belän ayırılmıy, digän cawap qaytardı.
-Ali Gilmi