Qabul. Äfğan räsmiläre belderüenä qarağanda, ike kön elek radarlardan yuğalıp soñraq hälakätkä duçar buluı açıqlanğan oçqıçnıñ qaldıqları tabılğan. İsän qaluçılar yuq dip xäbär itelä. Oçqıç qaldıqları NATO boralaqları tarafınnan bügen irtän, Qabuldan 30 çaqrım könyaq-könçığışta açıqlanğan. Hirattan Qabulğa yul totqan şuşı oçqıçta äfğannardan tış urıslar, töreklär, amerikannar häm italiannar da bulğan dip belderelä.
