Rusiä yuğarı mäxkamäseneñ appelyatsiä bülege oppozitsion köçlärneñ 2003-nçe yılda ütkän parlament saylawları näticälären ğämäldän çığaru taläben kire qaqtı.
Apelyatsiä bülege Yuğarı Mäxkamäneñ kommunist deputatlar häm liberal köçlär taläben kire qağuçı elekke qararın ğämäldä qaldırdı.
Mäxkamägä möräcäğät itüçelär matbuğat Kreml' yaqlı Berdäm Rusiä partiäsen yaqlaw säbäple saylaw näticäläre ğädel bulmadı di.
Möräcäğättä däwlät qaramağındağı televidenielär Berdäm Rusiäne barı uñay itep kenä sürätlädelär, anıñ köndäşlärenä küz yomdılar, yä alarnı mısqılladılar dielä.
Ul saylawlarda Berdäm Rusiä 450 urınlı Däwlät Dumasında 300-dän artıq urın yawladı. Dumada kommunistlar kisäk kimede. Töp Liberal' partiälär parlamentqa ütü öçen zarur bulğan 5 protsent kirtäsen uza almadı. Könbatış küzätüçelär ul saylawlarnı ğädelsezlek häm demokratiädän çigenü dip bäyäläde.
