Fälestin citäkçese Mäxmüt Abbas bügen Gaza sızığında suğışçılarnı İzrailgä qarşı höcümnärne tuqtatırğa öndäp söylöşülär alıp bara. Anıñ İslam Cihadı häm Hamas törkeme citäkçeläre belän oşraşuı qaralğan. Ber kön elek Gaza sızığında yäxüd utırmasına bulğan höcümnän soñ Abbas 3 iminlek citäkçesen wazifasınnan aldı. Höcüm öçen cawaplılıqnı üz östenä Hamas törkeme aldı. Bu höcümnän soñ İzrail, sişämbedä Mısırda, İzrail belän Fälestin arasında ireşelgän ut tuqtatu kileşülären ğämälgä quyunı kiçekterep toruın belderde.
