Accessibility links

Кайнар хәбәр

Rusiä Ğiraqtağı saylaw näticälären xuplıy häm andağı barlıq etnik törkemnär qatnaştırılırğa tieş di


Rusiä tışqı eşlär ministrlığı belderüendä, Rusiä yaña küçeş çorı xökümäte säyäsi totrıqlılandıru häm Ğiraqnı tözekländerü maqsatına ireşer dip ömetlänä dielä. Anda şulay uq Ğiraqtağı küp taraflar qatnaşında ilküläm tatulaşu maqsatında dialog buldıru zarur dielä. Parij. Fransiä tışqı eşlär ministrlığı süzçese Herve Ladsous ta Ğiraqtağı saylaw näticälären xupladı. Bu saylawlar säyäsi küçeş protsessında möhim adım bulıp tora dide ul. Ladsous da Ğiraq xalqın wäkillek itkän barlıq taraflar arasında ilküläm dialog buldırırğa çaqırdı. Yewropa Berlegeneñ tıqşı mäs'älälär komissionerı Benita Ferrero Waldneer da säyäsi protsessnıñ barlıq ğiraqlılarnı wäkillek itärgä tieşlege turında äytte. Ğiraqta ütkän saylawlarda Şığıy Berläşkän Ğiraq İttifağı ciñep çıqqannan soñ yaña xökümät tözü eşeneñ barışı belän bügenge xalıqara küzätülärdä täfsilläbräk tanıştırırbız.
XS
SM
MD
LG