Accessibility links

Кайнар хәбәр

Ilham Şakirovqa 70 yäş


15 fevral' istäleklärgä, tarixi datalarğa bay kön. Tanılğan cırçı İlham Şakirovqa sişämbedä 70 yäş tuldı. Tatarstan prezidentı Mintimer Şäymiev, şul uñaydan, sişämbe könne İlham Şakirovqa yaña fatir büläk itte häm bu yaña fatirda bulıp, ozaq qına äñgämä dä qordı. Bilgele bulğança, Tatarstanda İlham Şakirov isemendäge Xalıqara tatar cırı festivale dä uza. Çärşämbe dä festival'neñ bıyılğı berençe turı başlana. Tatar xalqınıñ tere legendalarınıñ berse bulğan İlham Şakirov turında bu könnärdä Tatarstan matbuğatı da yaza. TV, radiolarda tapşırular kürsätelä. Millät moñın saqlawçı bulğan söyekle cırçı menä inde niçä yıllar buyına, törle buın tatarlarğa millät yazmışın moñnarı aşa citkerä. Anıñ başqaruındağı Tuğan tel, Qara urman cırları millät gimnnarına äwerelde.

XS
SM
MD
LG