Qıtaynıñ tönyaq-könçığışında şartlaw bulğan şaxtada qotqaruçılar isän qalğannarnı ezläw eşen däwam itä. Kiçä Fuksin şähärendä 242 metr tiränlektäge şaxtada bulğan bu şartlaw kimendä 203 şaxternı üterde.
Räsmi Ksinhua xäbär agentlığı belderüençä, tağın 22 keşe yaralanğan.
Qotqaru eşlärendä 180-läp keşe qatnaşa. Şaxtada 13 keşe yabılıp qalğan dip isäplänelä.
Ksinhua bu şartlaw Qıtay şaxtalarında soñğı 40 yılda bulğan iñ zur qaza dip belderä.
Bıltır Qıtay şaxtalarında qazalar, su basular, şartlawlar, yanğınnar näticäsendä 6 meñnän artıq keşe hälak bulğan.
