Başqortostannan Mäskäwgä döreslek ezläp kilüçelärneñ yulı özelep tormıy. 14 fevraldä ike avtobus belän Başqortostannan 37 keşe kilde. Alar arasında xoquq yaqlawçılar da, Başqortostan militsiäseneñ başbaştaqlığına tüzä almağan bigräk tä Blagovesçenskiy şähärendä militsiädän qaza kürüçelär dä bar ide. Başqortostan xoquq yaqlawçılarına mäskäwlär dä quşıldı. Alar arasında Mäskäwneñ Xelsinki törkeme citäkçese Lyudmila Alekseyeva, keşe xoquqları xäräkäte citäkçese Lev Ponamarev, xoquq yaqlawçı Valeri Borşçevskiy, Başqortostannan İldar İsangulov. Başqortostan qorıltayı deputatı Edvard Murzin, jurnalist Marat Xayrullin, Blagovesçenskiy şähäreneñ “Zerkalo” dip atalğan gazeta redaktorı Veronika Şaxova häm başqalar bar ide.Şunısın äytergä kiräk, Lyudmila Alekseyeva citäkçelegendä ber törkem Mäskäw xoquq yaqlawçıları, şulay uq Rusiä prezidentı qarşındağı xoquq yaqlawçı Ella Panfilova da Başqortostannıñ Blagovesçenskiy şähärendä bulğannar häm militsiä qulınnan qaza kürüçelär belän oçraşıp söyläşkännär. 14 fevraldä irtänge yaqta Başqortostannan kilgän 37 keşe häm Mäskäw xoquq yaqlawçıları Rusiäneñ eçke eşlär ministrlığı qarşında piket ütkärdelär häm bäysez matbuğat üzägendä matbuğat oçraşuında qatnaştılar.Matbuğat oçraşuında Rusiäneñ üzäk telekanalların “Vesti”. NTV, “Rentv”, radio gazetalardan da jurnalistlar qatnaştı Başqortostannan Mäskäwgä kilgän xoquq yaqlawçılar uzğan yılğı kebek ük ber taläp quyalar- Başqortostannıñ eçke eşlär ministrı Rafayıl Divayevnı häm Başqortosannıñ baş prokuror wazifaların ütäwçe Zelepukinnı eşennän alırğa häm alarğa qarata cinayät eşen açarğa. Eçke eşlär ministrlığı qarşında pikettan soñ alarnı ministrlıqnıñ tikşerü bülege mödire general mayor Smirnıy qabul itkän. Läkin xoquq yaqlawçılar anıñ belän oçraşudan qänäğätsezlek belderdelär. Uzğan yıl Divayevnıñ başbaştaqlığın tuqtatunı sorap, Başqortostan xoquq yaqlawçıları eçke eşlär ministrlığı qarşında piket ütkärgän idelär inde. Ul waqıtta alarnı qabul itkän general Mamayev eşne tikşerüdä wäğdä birep, bik citdi söyläşülär alıp barğan bulsa, bu yulı xoquq yaqlawçılarnı qabul itkän general Smirnıy, berni dä wäğdä itmägän. Respublika prokuraturası tikşeräçäk dip kenä beldergän. Läkin xoquq yaqlawçılar korrupsiägä batqan Başqortostanda eçke eşlär ministrlığı belän respublika prokuraturası ber bersen yaqlıy, xätta eçke eşlär ministrlığınıñ eşen maxsus tikşerü cıyılışında prokuror Zelepukin, militsiäne niçek itep xalıqtan, xoquq yaqlawçılardan saqlarğa kiräklege turında çığış yasağanın äyttelär. Bu xaqta Başqortostan qorıltayı deputatı Edvard Musin belderde. Anıñ süzen qüätläp xoquq yaqlawçı İldar İsängulov, döreslekne barı tik Mäskäwdän genä tabarğa bula dide. Xoquq yaqlawçı Valeri Borsçevskiy Başqortostan militsiäseneñ bügenge xäräkätläre Rusiä töbägendä barlıqqa kilgän yaman şeş dip atadı. Ägär dä bez anı tuqtatmasaq ul barlıq Rusiägä dä taralırğa mömkin dip belderde. Blagovesçenskiy şähärennän kilgän “Zerkalo” gazetası redaktorı Veroniqa Şaxova – ul Blagovesçenskiydağı xällär xaqında berençe bulıp yazğan, ägär dä bezneñ taläplär ütälmäsä açlıq iğlan itäçäkbez dip äytte. .Başqortostan militsiäsennän qaza kürgännär dä ber-ber artlı çığış yasap, bernindi ğäyep beldermiçä militsiä niçek itep üzlären qinawların söylädelär. Alar arasında baliğ bulmağannar da bar ide. Mäsälän Aleksey Rasçevnı bitlekle militsiä xezmätkäreneñ mıltıq belän bitenä suğuın häm añın yuğaltuın söyläde. Ul barı tik xastaxanädä genä añına kilgän.Anıñ borının sındırğannar. Böyerlärenä zarar kitergännär. Baş mie selkengän. Häm ul yaraların da kürsätte. Çığış yasawçılar äytüençä yırtqıçlarça meñgä yaqın keşene qinağan militsiä xezmätkärläre, bu oçraqta OMON, Çeçnyada da şundıy çistartularda qatnaşqan bulğannar. Şunısı da qızıqlı, Blagovesçenskiy rayonı keşeläreneñ küpçelege prezident saylawları waqıtında tawışların Raximovqa tügel. Anıñ köndäşenä birgän bulğan. Matbuğat oçraşuında qatnaşqan yäşlärgä kürsätep Xel''sinki törkeme citäkçese Lyudmila Alekseeva, bu yäşlärneñ nindi cämğiättä üsüläre, bezneñ tırışlıqtan da tora dip belderde.
Şulay itep, Mäskäwgä Başqortostan militsiäsennän yaqlaw ezlärgä kilüçelär 15-16 fevral''dä Rusiäneñ eçke eşlär ministrlığı hem prokuraturası yanında piket ütkäräçäklär häm Rusiä prezidentına yaqlawnı sorap xat yullayaçaqlar.
Näzifä Kärimova, “Azatlıq” radiosı Mäskäw
