Udmurtiä tatar ictimaği üzäge inde berençe yıllarda uq qabul itelgän qararı buyınça töbäklärdä eşläwçe tatar oyışması citäkçelären, Şura äğzaların yıl başında kiñäşmägä cıya. Kiñäşmädä ütkän yılğa näticä yasala, problemalar qutärelä, maqsatlar bilgelänä. Uzäk äğzaları eşlärendä kilep tuğan problemalarnı xäl itü yulların bilgelilär, rayonnarda uñışlı uzğan çaralar turında fiker alışalar, täcribä tuplıylar. Alda äytelgänçä, bu Tatar ictimaği üzägeneñ inde ğädätkä kergän ğämäle. Elek bu cıyın ğinwar urtalarında uza ide. Bıyıl ul beraz soñğaraq qaldı. İñ berençe çiratta, moña ğinwar'dä ike atnağa suzılğan yallar säbäp buldı, dip añlattı Tatar ictimaği üzägeneñ citäkçese Fnyun Mirzayanov. Udmurtiä tatar ictimaği üzäge başqarğan eşlärgä kilgändä, 2004 yıl altınçı qorıltay uzuı, başqa çaralar belän tarixta qalsa, 2005 yılda TİU eşçänlege Qazannıñ 1000 yıllığı häm İjaw şähäreneñ 240 yıllıq yubileyları belän bäyle bulaçaq.
Qazannıñ 1000 yıllığına bağışlanğan çaralarnıñ berse— mart azağında älege datağa bağışlap çığarılğan cirle avtorlar Raif Balagetdinov häm İbrahim Biektawlınıñ cırları, tatar xalıq köylärennän torğan diskknı xalıqqa täqdim itü kötelä. Ul cırlarnı törle konkurslarda ciñü yawlağan Möxämmätnur Ğadal'şin başqara.
Xamidä Ğayfullina, Udmurtiä
Xamidä Ğayfullina, Udmurtiä
