Ğiraq suğışı salqınaytqan aralarnı nihayät caylaw kiräklegenä Quşma Ştatlar ğına tügel, Yevropa üze dä işarälär yasağan ide, xörmätle tıñlawçılar. George Bushnıñ Brüsseldä uzdıraçaq ike köne monıñ öçen ifrat ta uñay mömkinlek birä. Anıñ Belgiä başqalasına kilüe üze genä dä küp närsä turında söyli. Biredä Yevropa Berlegeneñ üzäk idaräse genä tügel, bu şähär Ğiraq suğışına kisken qarşı çıqqan Belgiäneñ başqalası da. Şuña da Yevropa räsmiläre monı Washingtonnıñ elekke qarşılıqlarnı onıtıp yaqınayırğa teläwen kürsätkän ber işarä bularaq qabul itä. Alar, Bushnıñ berençe prezidentlığı Quşma Ştatlarnıñ xalıqara mäydanda beryaqlı ğına eş itüe belän bilgelänsä, ikençe dürtyıllıqta amerikan prezidentı dönya problemaların başqalar belän bergä xäl itärgä tırışa ala dip uylıy. Washington soñğı könnärdä bu ölkädä qayber işarälär yasadı da inde - ul Yevropanıñ İrandağı atom programması tiräsendäge wäzğiatne xäl itügä äwzemräk qatnaşuın telär ide. Älegä qädär Yevropa Quşma Ştatlarnıñ Tähranğa xärbi çaralar kürü ixtimalı belän yanawın bik önäp betermäde. Yevropa säfäre aldınnan Belgiä televideniäsenä birgän äñgämäsendä George Bush, üzeneñ älegä diplomatik yullarğa östenlek birüen belderde:
Audio, George Bush
"Prezidentneñ "berqayçan da" dip äytüen berkem dä telämi, şuña da qaramastan, köç qullanu prezidentnıñ berençe bulıp qarağan çarası tügel. Berençe urında härwaqıt, härxäldä mindä, diplomatiä tora" dip belderä amerikan prezidentı. Monı ul düşämbe könne Brüsseldä, Yevropa Berlege räsmiläre qarşında yasağan çığışında da qabatladı:
Audio, George Bush
"İrandağı xakimiat üzeneñ terrornı yaqlawın tuqtatırğa häm atom qoralların citeşterüdän waz kiçärgä tieş. İrekle däwlätlärneñ iminlegen qayğırtqanda ber genä çaranı da kire qağarğa yaramıy, läkin İran Ğiraqtan ayırıla häm bez xäzer diplomatiä çorı başında torabız" di prezident George Bush. Häm Yevropa räsmiläre monı alqışlar belän qarşı ala. Alar şulay uq Quşma Ştatlar prezidentınıñ Livandağı Süriä ğäskärlären "basıp aluçı köç" dip atawın da alqışlıy.
Audio, George Bush
"Süriä xakimiate Ğiraqta ğisyan yaqlawçılarnı tuqtatu ölkäsendä näticäleräk çaralar kürergä, İzrail belän fälästinlelär arasındağı solıxqa qarşı çığuçılarnı yaqlawın tuqtatırğa, Livannı basıp aluın beterergä tieş" di Quşma Ştatlar prezidentı. Anıñ Yevropa säfäre asılda öç öleştän tora - düşämbedä ul Belgiä citäkçeläre belän oçraşa häm kiçen Fransiä prezidentı Jacques Chirac belän aş mäclesenä bara. Sişämbedä ul başta, Ukraina prezidentı Viktor Yuçenko da qatnaşqan NATO summitında bula, annarı Yevropa Berlegendäge 25 ilneñ citäkçeläre belän oçraşa. Şunnan soñ ul Germaniäneñ Mainz şähärenä, ä annan Slovakiä başqalası Bratislavağa yul tota. Anda George Bushnıñ Rusiä prezidentı Putin belän söyläşüläre uzaçaq. Brüsseldäge çığışında ul Rusiägä qağılıp bolay dide:
Audio, George Bush
"Rusiäneñ Yevropa ile bularaq täräqqi itüe öçen Rusiä xökümäteneñ demokratiägä häm qanuni tärtipkä tuğrı bulıp qaluı kiräk. Añlıybız ki, reformalar ber tön eçendä genä ğämälgä quyıla almıy, ämma bez Rusiägä bertuqtawsız, bergä buluıbız nigezendä irekle matbuğat, tormışçan oppozitsiä, wäkalätlärne bülü, qanuni tärtip prinsipları yatuın iskä töşerep torırğa tieşbez" di prezident Bush Quşma Ştatlar häm Yevropanıñ Rusiä belän xezmättäşlek itüe turında.
Kärim Kamal
Audio, George Bush
"Prezidentneñ "berqayçan da" dip äytüen berkem dä telämi, şuña da qaramastan, köç qullanu prezidentnıñ berençe bulıp qarağan çarası tügel. Berençe urında härwaqıt, härxäldä mindä, diplomatiä tora" dip belderä amerikan prezidentı. Monı ul düşämbe könne Brüsseldä, Yevropa Berlege räsmiläre qarşında yasağan çığışında da qabatladı:
Audio, George Bush
"İrandağı xakimiat üzeneñ terrornı yaqlawın tuqtatırğa häm atom qoralların citeşterüdän waz kiçärgä tieş. İrekle däwlätlärneñ iminlegen qayğırtqanda ber genä çaranı da kire qağarğa yaramıy, läkin İran Ğiraqtan ayırıla häm bez xäzer diplomatiä çorı başında torabız" di prezident George Bush. Häm Yevropa räsmiläre monı alqışlar belän qarşı ala. Alar şulay uq Quşma Ştatlar prezidentınıñ Livandağı Süriä ğäskärlären "basıp aluçı köç" dip atawın da alqışlıy.
Audio, George Bush
"Süriä xakimiate Ğiraqta ğisyan yaqlawçılarnı tuqtatu ölkäsendä näticäleräk çaralar kürergä, İzrail belän fälästinlelär arasındağı solıxqa qarşı çığuçılarnı yaqlawın tuqtatırğa, Livannı basıp aluın beterergä tieş" di Quşma Ştatlar prezidentı. Anıñ Yevropa säfäre asılda öç öleştän tora - düşämbedä ul Belgiä citäkçeläre belän oçraşa häm kiçen Fransiä prezidentı Jacques Chirac belän aş mäclesenä bara. Sişämbedä ul başta, Ukraina prezidentı Viktor Yuçenko da qatnaşqan NATO summitında bula, annarı Yevropa Berlegendäge 25 ilneñ citäkçeläre belän oçraşa. Şunnan soñ ul Germaniäneñ Mainz şähärenä, ä annan Slovakiä başqalası Bratislavağa yul tota. Anda George Bushnıñ Rusiä prezidentı Putin belän söyläşüläre uzaçaq. Brüsseldäge çığışında ul Rusiägä qağılıp bolay dide:
Audio, George Bush
"Rusiäneñ Yevropa ile bularaq täräqqi itüe öçen Rusiä xökümäteneñ demokratiägä häm qanuni tärtipkä tuğrı bulıp qaluı kiräk. Añlıybız ki, reformalar ber tön eçendä genä ğämälgä quyıla almıy, ämma bez Rusiägä bertuqtawsız, bergä buluıbız nigezendä irekle matbuğat, tormışçan oppozitsiä, wäkalätlärne bülü, qanuni tärtip prinsipları yatuın iskä töşerep torırğa tieşbez" di prezident Bush Quşma Ştatlar häm Yevropanıñ Rusiä belän xezmättäşlek itüe turında.
Kärim Kamal