Yevropa Berlegeneñ çirattağı räise Luksemburgnıñ tışqı eşlär ministere Jean Asselborn , Berlek prezident Viktor Yuşenko administratsiäseneñ külämle politik häm ekonomik programmasın yaqlayaçaq dip belderde. Anıñ süzlärençä, reformalar Ukraina-Yevropa Berlege mönäsäbätlärendä yaña mömkinleklär tudıraçaq. Yevropa Berlege Ukrainağa reformalarnı ğämälgä quyuı öçen yardäm itärgä väğdä itsä dä , bu ağzalıq perspektivası tügel, ä kürşelek säyäsäte nigezendä bulaçaq
Audio
"Yevropa Berlege tarixındağı möhim mizgelendä Ukrainanı yaqlayaçağın azsızıqlıy. Bez Yevropanıñ Kürşelek Säyäsäte ramnarında xäräkät planı qabul ittek Bu plannı ğämälgä quyu şunduq başlanırğa tieş."
Asselborn häm Yevropa Berlegeneñ başqa räsmiläre Ukraina qayçan ağza bula alaçaq digän soraularnı çitlätep üttelär. Başta xäräkät planınıñ niçek ğämälgä quyılaçağın kötärgä kiräk dip belderdelär. Öç yıllıq plan ğämälgä quyılmastan ağzalıq mäsäläsendä ber nindi dä qarar qabul itelmiäçäk. Yuşenko häm başqa ukrain räsmiläre uzğan atnalarda soñğı çiktä ağzalıqqa kiteräçäk säyläşülär 2007-nçe yılda başlanır dip ömetlänülären belderep kildelär. Kileşügä qul quyğan Ukrain premiereneñ urınbasarı Oleh Rıbaçuk bu tantanada öy xucasın qıyın xäldä qaldırmas öçen söyläşülärneñ qayçan başlanaçağı turında qätği tarix äytüdän totlıp qaldı. Ul kürsätelgän uñay möğämälägä yuğarı bäyä birde häm yaña xökümät aldında reformalarnı ğämälgä quyu mäsäläseneñ toruın äytte.
Audio
"Brusselgä äytkän ber närsäm bu- xäzer cavaplı Ukrain xökümäte bar, sezneñ cavaplı partnerığız bar. Bez ber dokumentqa qul quyabız ikän, dimäk anı ütiäçäkbez. Min qabatlap äytäm, bez xäräkät planına turılıqlı bulaçaqbız."
Rıbaçuk , Ukraina üzen kürsätä alğan xäldä, aña konkret täqdimnärneñ yasaluı ixtimal dip belderde , ber ük vaqıtta Ukrainanıñ tizeräk xäräkät itep Yevropa Berlege belän mönäsäbätlärenä zian kiterergä telämäven dä äytte. Ukrainanıñ ağzalıq perspektivası Yevropa Berlege ağzaları arasında populär tügel. Vengriä, Polşa häm Litva ğına moña qarşı tügel. Yevropa Berlege xäräkät planı rasmnarında başqa närsälär belän ber rättän, Ukrainanıñ Dönya Sävdä Oyışmasına kerü tırışlığın, bazar ekonomikası xökem sörgän il dip tanıluın yaqlarğa väğdä itte.
Färit İdelle, Praga.
Audio
"Yevropa Berlege tarixındağı möhim mizgelendä Ukrainanı yaqlayaçağın azsızıqlıy. Bez Yevropanıñ Kürşelek Säyäsäte ramnarında xäräkät planı qabul ittek Bu plannı ğämälgä quyu şunduq başlanırğa tieş."
Asselborn häm Yevropa Berlegeneñ başqa räsmiläre Ukraina qayçan ağza bula alaçaq digän soraularnı çitlätep üttelär. Başta xäräkät planınıñ niçek ğämälgä quyılaçağın kötärgä kiräk dip belderdelär. Öç yıllıq plan ğämälgä quyılmastan ağzalıq mäsäläsendä ber nindi dä qarar qabul itelmiäçäk. Yuşenko häm başqa ukrain räsmiläre uzğan atnalarda soñğı çiktä ağzalıqqa kiteräçäk säyläşülär 2007-nçe yılda başlanır dip ömetlänülären belderep kildelär. Kileşügä qul quyğan Ukrain premiereneñ urınbasarı Oleh Rıbaçuk bu tantanada öy xucasın qıyın xäldä qaldırmas öçen söyläşülärneñ qayçan başlanaçağı turında qätği tarix äytüdän totlıp qaldı. Ul kürsätelgän uñay möğämälägä yuğarı bäyä birde häm yaña xökümät aldında reformalarnı ğämälgä quyu mäsäläseneñ toruın äytte.
Audio
"Brusselgä äytkän ber närsäm bu- xäzer cavaplı Ukrain xökümäte bar, sezneñ cavaplı partnerığız bar. Bez ber dokumentqa qul quyabız ikän, dimäk anı ütiäçäkbez. Min qabatlap äytäm, bez xäräkät planına turılıqlı bulaçaqbız."
Rıbaçuk , Ukraina üzen kürsätä alğan xäldä, aña konkret täqdimnärneñ yasaluı ixtimal dip belderde , ber ük vaqıtta Ukrainanıñ tizeräk xäräkät itep Yevropa Berlege belän mönäsäbätlärenä zian kiterergä telämäven dä äytte. Ukrainanıñ ağzalıq perspektivası Yevropa Berlege ağzaları arasında populär tügel. Vengriä, Polşa häm Litva ğına moña qarşı tügel. Yevropa Berlege xäräkät planı rasmnarında başqa närsälär belän ber rättän, Ukrainanıñ Dönya Sävdä Oyışmasına kerü tırışlığın, bazar ekonomikası xökem sörgän il dip tanıluın yaqlarğa väğdä itte.
Färit İdelle, Praga.