George Bushnıñ Gerhard Schroeder belän oçraşuı üzägendä İran, Süriä, Ğiraq häm İzrail-fälästin solıx söyläşüläreneñ kiläçäge kebek möhim mäs''älälär tordı, xörmätle tıñlawçılar. Quşma Ştatlarnıñ Yevropa belän Ğiraq qına tügel, xäzer inde İran mäs''äläsendä, ayırım alğanda anıñ üz atom programmasın täräqqi itüe ölkäsendä dä fiker qarşılıqları bar. Germaniä kanslerı belän söyläşülärdä prezident Bush, Yevropanıñ bu mäs''älädä Amerika belän ber fikerdä buluı kiräklegenä basım yasadı, atom qoralın buldırmaw taläben dönya Tähranğa ber tawıştan äytergä tieş, di Quşma Ştatlar prezidentı.
Audio, George Bush
"İran üz atom qoralına iä bula almıy, iminlek wä tınıçlıq xaqına moña yul quyıla almıy häm älege fikerne Germaniä dä, Fransiä dä, Britaniä dä, Quşma Ştatlar da urtaqlaşa. Bergä eş itkändä bez moña ireşä alabız" di prezident Bush, Quşma Ştatlar häm Yevropa illäreneñ İranğa qarata berdäm qatı toru kiräklege turında. Mäğlüm ki, Washingtonnıñ Tährandağı xakimiatne törle qırıs çaralar belän kisätüe arta barğanda, Germaniä, Fransiä häm Britaniä Yevropa Berlegeneñ İrannı künderügä yünältelgän diplomatik tırışlıqların citäkli. Şuña kürä dä prezident Bush, İran belän mönäsäbätlär älegä diplomatik çişeleş ezläwneñ täwge çorında tora dip beldergän ide. Ul Yevropa Berlegenıñ şuşı başlanğıçına räxmäten belderä häm berük waqıtta İran yağın kisken tänqitli.
Audio, George Bush
"Şuşı ığı-zığını başlawçı taraf - ul iranlılar, bezneñ xäzer şuşı xaqta gel söyläp toruıbıznıñ säbäbe dä şunda, alar uran bayıtu belän şöğellängän çaqta totıldı, gärçä başta monı eşlämäyäçäkläre xaqında alar maxsus kileşüne imzalağan ide. Başqa süzlär belän äytkändä, älege ığı-zığı iranlılarnıñ xalıqara cämäğätçelek belän ireşkän kileşüen bozuı arqasında kilep çıqtı" dip belderä Quşma Ştatlar prezidentı. Şunnan soñ iğtibarnı Süriägä cälep itep George Bush, ul il Livannan üz ğäskärlären genä tügel, bar yäşeren xezmät keşelären dä çığarırğa tieş, Washington Süriäneñ moña niçek cawap birüen kötep toraçaq, annarı inde Berläşkän Millätlär yağınnan çikläwlär kertü ixtimalın tikşerä başlayaçaq dip kisätte. Süriäneñ Livannan kitüen taläp itkän tawışlar uzğan atnada Bäyrutta Livannıñ elekke premyer-ministrı Rafıyq Xaririne üterüdän soñ köçleräk yañğırıy başlağan ide. Ğiraq mäs''äläsendä, Germaniä anda üz ğäskärlären cibärüdän haman baş tartıp kilsä dä, George Bush kansler Schroederğa Ğiraqnıñ millionlağan dollarlıq burıçların kiçerüe häm şuşı ilgä üzeneñ iminlek köçlären buldıru eşendä yardäm itüe öçen räxmäten citkerde. Amerikan prezidentı şulay uq, Gerhard Schroederneñ, inde bar qarşılıqlarnı da artta qaldırıp, Ğiraq xalqınıñ xälen yaxşırtu yulların ezlik dip äytüenä bik quanuın belderde. Söyläşülärdä yaqlar klimat üzgäreşlärenä qarşı urtaq köräş alıp baru mäs''äläsen dä qaradı, bu xaqta ayırım belderü qabul itelde, ämma anda konkret çaralar, plannar, mäcbüri yöklämälär bilgelänmäde.
Kärim Kamal
Audio, George Bush
"İran üz atom qoralına iä bula almıy, iminlek wä tınıçlıq xaqına moña yul quyıla almıy häm älege fikerne Germaniä dä, Fransiä dä, Britaniä dä, Quşma Ştatlar da urtaqlaşa. Bergä eş itkändä bez moña ireşä alabız" di prezident Bush, Quşma Ştatlar häm Yevropa illäreneñ İranğa qarata berdäm qatı toru kiräklege turında. Mäğlüm ki, Washingtonnıñ Tährandağı xakimiatne törle qırıs çaralar belän kisätüe arta barğanda, Germaniä, Fransiä häm Britaniä Yevropa Berlegeneñ İrannı künderügä yünältelgän diplomatik tırışlıqların citäkli. Şuña kürä dä prezident Bush, İran belän mönäsäbätlär älegä diplomatik çişeleş ezläwneñ täwge çorında tora dip beldergän ide. Ul Yevropa Berlegenıñ şuşı başlanğıçına räxmäten belderä häm berük waqıtta İran yağın kisken tänqitli.
Audio, George Bush
"Şuşı ığı-zığını başlawçı taraf - ul iranlılar, bezneñ xäzer şuşı xaqta gel söyläp toruıbıznıñ säbäbe dä şunda, alar uran bayıtu belän şöğellängän çaqta totıldı, gärçä başta monı eşlämäyäçäkläre xaqında alar maxsus kileşüne imzalağan ide. Başqa süzlär belän äytkändä, älege ığı-zığı iranlılarnıñ xalıqara cämäğätçelek belän ireşkän kileşüen bozuı arqasında kilep çıqtı" dip belderä Quşma Ştatlar prezidentı. Şunnan soñ iğtibarnı Süriägä cälep itep George Bush, ul il Livannan üz ğäskärlären genä tügel, bar yäşeren xezmät keşelären dä çığarırğa tieş, Washington Süriäneñ moña niçek cawap birüen kötep toraçaq, annarı inde Berläşkän Millätlär yağınnan çikläwlär kertü ixtimalın tikşerä başlayaçaq dip kisätte. Süriäneñ Livannan kitüen taläp itkän tawışlar uzğan atnada Bäyrutta Livannıñ elekke premyer-ministrı Rafıyq Xaririne üterüdän soñ köçleräk yañğırıy başlağan ide. Ğiraq mäs''äläsendä, Germaniä anda üz ğäskärlären cibärüdän haman baş tartıp kilsä dä, George Bush kansler Schroederğa Ğiraqnıñ millionlağan dollarlıq burıçların kiçerüe häm şuşı ilgä üzeneñ iminlek köçlären buldıru eşendä yardäm itüe öçen räxmäten citkerde. Amerikan prezidentı şulay uq, Gerhard Schroederneñ, inde bar qarşılıqlarnı da artta qaldırıp, Ğiraq xalqınıñ xälen yaxşırtu yulların ezlik dip äytüenä bik quanuın belderde. Söyläşülärdä yaqlar klimat üzgäreşlärenä qarşı urtaq köräş alıp baru mäs''äläsen dä qaradı, bu xaqta ayırım belderü qabul itelde, ämma anda konkret çaralar, plannar, mäcbüri yöklämälär bilgelänmäde.
Kärim Kamal