Bäysez qırğız mäğlümat agentlığı AKİpress, Narın ölkäsendä protest belderüçelär Bişkäk-Torugart olı yulın yabıp saylawlardan töşerelep qaldırılğan ike oppozisiä namzäten kire qaytırunı taläp itä, dip xäbär itte.
Demokratiä häm Sivil cämğiät isemle saylaw blogı protest çaralarında 3 meñgä yaqın keşe qatnaşa disä, İtar-Tass mäğlümat agentlığı bu san – 300 genä dip xäbär itä.
Tönyaqkönçığış İssık-Kül ölkäsendä dä uram cıyınnarı däwam itte.
Bügen Üzäk Saylaw Komissiäse, parlament saylawlarında qatnaşaçaq namzätlärneñ sanı 417dän 389ğa kimede, dip iğlan itte.