Accessibility links

Sverdlov ölkäsendä dini seminar açıldı


Sverdlov ölkäse möselmannarınıñ Qazıylat idäräse Pervoural''ski mäçete nigezendä irlär öçen ike aylıq dini seminar açıp cibärde. Biregä islam dine asılların öyränergä dip ölkäneñ törle poçmaqlarınnan häm Perm, Çiläbe, Tömän ölkälärennän yegermeläp keşe cıyıldı. Seminarnı alıp baruçı möğallim Gabderäxim xäzrät äytüençä, biregä kilüçelär arasında yäşlär dä, olı yäştäge keşelär dä bar. Alarnı toraq belän tä''min itü, tuqlandıru mä’sälälären mäçet üz östenä alğan.

Seminarda qatnaşuçılarnıñ kübese dinne üz belemnären kütärü öçen öyränä. Qayberäwlär şäriğätne döres itep öyränep, öygä qaytqannan soñ yaqınnarın, qärdäşlären dingä öndärgä cıyına. Äçit rayonınnan kilgän ber abzıy, Gäynä awılında inde küptän mäçet açıluğa qaramastan, anda bik az keşe yörüenä poşınıp söyläde. Qaytqaç xalıqnı dingä öndäp, däğwät belän şöğellänmäkçe ul.

Ufa Şiğerennän kilgän Nailgä yegerme biş yäş. Üzeneñ fermer xucalığı bar. Nail'' keçkenädän ük mäçetkä yörgän, biş waqıt namazın qaldırmıy. Ğilemle bulu berqayçan da artıq bulmas dip, qışın xucalıq eşlärennän arınıp torğan çaqta biregä kilergä uylağan.

İrlär öçen seminar 2нче aprel''gä qädär däwam itäçäk. Qazıylat idäräse citäkçese Danis xäzrät Däwlätov äytüençä, annan soñ seminar belemnären üsterergä teläwçe xatın-qızlar öçen oyıştırılaçaq.

Fäwiä Safiullina, Yekaterinburg

XS
SM
MD
LG