Accessibility links

Кайнар хәбәр

Fälestin parlamentı yaña xökümätne rasladı


Fälestin parlamentı bügen premyer-ministr Ahmed Qurei täqdim itkän xökümätne rasladı. 24 ministrnı xuplap 54 keşe tawış birde, 12 deputat qarşı çıqtı. 4 keşe tawış birmäde. Xökümättä 17 yaña keşe bulaçaq, xäbärlärgä qarağanda alar barısı da täcribäle säyäsätçelär. Yaña xökümätne raslaw bu atnada 3 tapqır kiçekterelde. Deputatlar premyer-ministr Qurei'nı korrupsiägä qarşı köräşmäwdä, xökümättä elekke keşelärne qaldıruda ğayepläde. İzrael tışqı eşlär ministrı Silvan Şalom yaña fälestin xökümäteneñ raslanuın xupladı, bu ğamälne – Yaqın Könçığışta tınıçlıqqa taba adım dip atadı. Bügen Şalom häm İzraeldä säfärdä bulğan NATO general sekretare Jaap de Hoop Scheffer berlektä matbuğat oçraşuı uzdırdı.
XS
SM
MD
LG