Pänceşämbedä Quşma Ştatlar prezidentı George Bush Bratislavanıñ borığñı sarayında Rusiä prezidentı Vladimir Putin belän oçraştı. 3 säğätkä yaqın barğan söyläşülärdän soñ alar jurnalistlar aldına çığıp matbuğat oçraşuı ütkärde. Prezidentnıñ ikese dä bu söyläşülärne dustanä şartlarda ütkän "açıqtan-açıq, eçkersez" söyläşü dip atadı:
Audio (Bush, Putin)
Qayber mäsälälärdä fiker ayırmalığı buluın tanısa da, Bush xaman da, Putinnı äytkän süzendä tora torğan ışanıçlı partner dip sanawın äytte.
Aldan kötelgänçä, taraflar atom häm raketa texnologiäsen cäyeldermäw mäsäläsendä kileşügä ireşkän, İran häm Tönyaq Koreanıñ atom qoralı bulmasqa tieş digän urtaq fiker beldergän:
Audio (George Bush)
Söyläşülärne konstruktiv dip atasalar da, prezidentlar alarnıñ neçkäleklärenä tuqtalmadı. Äytik, Waşington tarafınnan küptän tänqitlänep kilgän, Mäskäwneñ Tähran belän atom ölkäsendä xezmättäşlek itüe telgä alınmadı.
Rusiäneñ Dönya säwdä oyışmasına kerü niätenä kilgändä, Quşma Ştatlar, ayırım şartlar ütälgändä, yärdäm itergä wäğdä itkän.
Rusiädä süz ireklege häm demokratiä mäsäläse matbuğat oçraşuınıñ axırında, jurnalistlarğa süz birelgäç kütärelde. Yevropa säfäreneñ başında, Brusseldä, George Bush, Rusiäneñ avtoritarlaşa baruına ükeneç beldergän ide. Mondıy şöbhälärgä cawap räweşendä Putin bolay dide:
Audio (Vladimir Putin)
"Rusiä demokatiäne 14 yıl elek üze, möstäqil räweştä, üz teläge belän, üz mänfäğätendä sayladı. Bu axırğı saylaw häm ütkängä kire qaytu mömkin tügel."
Putin bez nindider "Rusiä demokratiäsen" uylap çığarırğa cıyınmıybız, läkin anıñ prinsipları ğämälgä quıylğanda Rusiä cämğiäte, anıñ tarixı, ğädätläre iskä alınırğa tieş, dide.
Töbäk citäkçelären xalıq tarafınnan saylawnı beterü uñayınnan äytelgän tänqitlärne kire qağıp, Putin, citäkçelärne yañaça, prezident täqdime belän cirle parlametta raslaw tärtiben, ikese ike närsä bulsa da, nişläpter Quşma Ştatlardağı saylaw sisteması belän çağıştırdı:
Audio (Vladimir Putin)
Rusiädä süz ireklegenä kilgändä, Putin, matbuğatnıñ xakimiätne tänqitläwen tabiğıy, demokratiä küreneşe dip atadı. Läkin bu mäsälälärne artıq küpertep, Rusiä-Amerika mönäsäbätlärenä zıyan kiitermäskä çaqırdı.
Çeçnä mäsäläse bu yulı bötenläy telgä alınmadı.
Prezidentlar söyläşülären yıl däwerendä, törle xalıqara oçraşular qısalarında däwam itergä kileşte. Bushnıñ Ciñü könenä 60 yıl tuluğa bağışlanğan tantanağa kilüe kötelä.
-Ali Gilmi
Audio (Bush, Putin)
Qayber mäsälälärdä fiker ayırmalığı buluın tanısa da, Bush xaman da, Putinnı äytkän süzendä tora torğan ışanıçlı partner dip sanawın äytte.
Aldan kötelgänçä, taraflar atom häm raketa texnologiäsen cäyeldermäw mäsäläsendä kileşügä ireşkän, İran häm Tönyaq Koreanıñ atom qoralı bulmasqa tieş digän urtaq fiker beldergän:
Audio (George Bush)
Söyläşülärne konstruktiv dip atasalar da, prezidentlar alarnıñ neçkäleklärenä tuqtalmadı. Äytik, Waşington tarafınnan küptän tänqitlänep kilgän, Mäskäwneñ Tähran belän atom ölkäsendä xezmättäşlek itüe telgä alınmadı.
Rusiäneñ Dönya säwdä oyışmasına kerü niätenä kilgändä, Quşma Ştatlar, ayırım şartlar ütälgändä, yärdäm itergä wäğdä itkän.
Rusiädä süz ireklege häm demokratiä mäsäläse matbuğat oçraşuınıñ axırında, jurnalistlarğa süz birelgäç kütärelde. Yevropa säfäreneñ başında, Brusseldä, George Bush, Rusiäneñ avtoritarlaşa baruına ükeneç beldergän ide. Mondıy şöbhälärgä cawap räweşendä Putin bolay dide:
Audio (Vladimir Putin)
"Rusiä demokatiäne 14 yıl elek üze, möstäqil räweştä, üz teläge belän, üz mänfäğätendä sayladı. Bu axırğı saylaw häm ütkängä kire qaytu mömkin tügel."
Putin bez nindider "Rusiä demokratiäsen" uylap çığarırğa cıyınmıybız, läkin anıñ prinsipları ğämälgä quıylğanda Rusiä cämğiäte, anıñ tarixı, ğädätläre iskä alınırğa tieş, dide.
Töbäk citäkçelären xalıq tarafınnan saylawnı beterü uñayınnan äytelgän tänqitlärne kire qağıp, Putin, citäkçelärne yañaça, prezident täqdime belän cirle parlametta raslaw tärtiben, ikese ike närsä bulsa da, nişläpter Quşma Ştatlardağı saylaw sisteması belän çağıştırdı:
Audio (Vladimir Putin)
Rusiädä süz ireklegenä kilgändä, Putin, matbuğatnıñ xakimiätne tänqitläwen tabiğıy, demokratiä küreneşe dip atadı. Läkin bu mäsälälärne artıq küpertep, Rusiä-Amerika mönäsäbätlärenä zıyan kiitermäskä çaqırdı.
Çeçnä mäsäläse bu yulı bötenläy telgä alınmadı.
Prezidentlar söyläşülären yıl däwerendä, törle xalıqara oçraşular qısalarında däwam itergä kileşte. Bushnıñ Ciñü könenä 60 yıl tuluğa bağışlanğan tantanağa kilüe kötelä.
-Ali Gilmi