Taciqstan üzäk saylaw komissiäse uzğan yäkşämbedä ütkän parlament saylawlarında xakimiättäge Xalıq Demokratik Partiäse iñ küp tawış aluçı buldı dide.
Bu saylawlar näticäsendä Parlamentnıñ tübän palatasındağı 63 urınğa wäkillär saylandı.
Komissiä başlığı Mirzoali Boltuyev äytüençä, partiälärgä birelüçe 22 urınnıñ 17-sen Xalıq Demokratik Partiäse alğan.
Ul şulay uq Kommunistlar Partiäseneñ 3 urın häm İslam Yañarış partiäseneñ ike urın aluın belderde.
Boltuyev saylawlarda qatnaşqan tağın 3 partiä, atap äytkändä Sotsialist Partiä, Sotsial Demokratik Partiä häm Taciqstan Demokratik Partiäse partiä isemleklären nigezendä parlamentqa kerü öçen zarur bulğan 5 protsent kirtäsen ütä almadı dide.
