Ütkän yal könnärendä Udmurtiä başqalası İjaw şähärendä yäşäwçe tatarlarğa küñel açu öçen berniçä çara bilgelängän ide. Bu, älbättä, bik siräk bula torğan xäl. Millättäşlärebezneñ ber öleşe soñğı yıllarda İjaw şähäreneñ tatarlar yaratıp ölgergän «Auksion» mädäniät sarayına Tatarstan başqalasınnan kilgän «Cırlı Qazan» isemle tamaşa qarıy alsa, ikençeläre tatarlarnıñ elek-elektän üz itkän timeryulçılar mädäniät yortında Minzälä tatar däwlät drama teatrı artistları alıp kilgän Danil Salixovnıñ «Xatın tügel, acdaxa» isemle spektaklenä cıyıldı.
Konsertta äle genä İlham Şakirov isemendäge xalıqara cır festivalendä ciñü yaulağan Asılyar, yäş cırçı Güzäl Salixova häm xalıq arasında tanılğan cırçılar Dinä belän Rafail' Latıypovlar häm Flyura belän Tawis Xösäyenovlar, İjaw tamaşaçısına tanış bulğan Liliä Sibgatova qatnaştı. Törkemneñ citäkçese Azat Timerşäyex älege tamaşa turında bolay dip assızıqladı.
Dörestän dä zal här çığış yasawçını cılı qarşı aldı. Yäş cırçı Asılyar başqarğan cırlarlar, ayıruça xalqıbız yaratıp tıñlağan cırlarnıñ berse tamaşaçılarnıñ küñelenä xuş kilde.
Minzälälelärneñ ike kön barğan spektaklendä dä xalıq küp cıyılğan ide. Minzälä teatrı Danil Salixovnıñ «Xatın tügel, acdaha» spektaklen monnan un yıllap elek säxnäläştergän ide, ni säbäple tağın aña äylänep qaytuları turında teatrnıñ artistı Xafiz Xammatşin bolay añlattı. (audio)
Şulay itep, kemneñ küñele ni teli — cır yarata ikän konsertta küñel açtı, teatr söyuçelär minzälälär belän oçraştı. Berse dä ottırmadı.
Xämidä Ğayfullina, İjaw
Xämidä Ğayfullina, İjaw
