Accessibility links

Кайнар хәбәр

AQŞ İrannıñ atom programması mäs'äläsen BMO İminlek Şurasına tapşırırğa çaqıra


Quşma Ştatlar BMOnıñ Xalıqara Atom Energiäse İdaräse mömkin bulğan iqtisadıy çikläwlär mäs'äläsen qaraw öçen İrannı BMO İminlek Şurası qaramağına tapşırırğa tieş dide. Şundıy belderü belän bügen Vienada Xalıqara Atom Energiäse İdaräseneñ 35 il wäkillärennän torğan şura utırışında AQŞ ilçese Jackie Sanders çıqtı. İdarädä Quşma Ştatlarnıñ baş wäkile bulğan Sanders İrannı atom qoralların taratmaw sistemasın atom qorallarına iä buluı maqsatı belän oyatsız räweştä manipulyatsiäläwdä ğäyepläde. Sanders BMO İminlek Şurası bu mäs'äläne uñışlı häm tınıç yul belän çişü öçen xalıqara xoquqıy häm säyäsi wäkalätkä iä dide. İran Waşintonnıñ atom qoralı yasarğa tırışu turındağı ğäyepläwen kire qağa häm atom programmasınıñ maqsatı bar tik energiä alu ğına di. İran belän atom programması turında söyläşülär alıp barğan Fransiä, Germaniä häm Britaniä bügen Vienada Tährannıñ uran bayıtunı waqıtlıça tıyu turındağı kileşüne bozuına qızğanıç häm tirän borçılu belderde.
XS
SM
MD
LG