Accessibility links

Кайнар хәбәр

Tönyaq Korea yıraq ara raketa sınawlarına moratoriynı beterä


Tönyaq Korea yıraq ara raketalar sınawnı tuqtatıp toruın beterä. Xökümät AQŞnıñ doşmança säyäsäte üzebezneñ atom qoralların buldırırğa mäcbür itä di. Tönyaq Korea tışqı eşlär ministrlığınıñ bügenge belderüendä bu tuqtatıp toru 1999-nçı yılda ul çaqtağı AQŞ prezidentı Bill Clinton belän dialog barğan çaqta ğämälgä kergän ide dielä. Anda şulay uq 2001-nçe yılda prezident George Bush xakimiätkä kilgännän soñ söyläşülärne kisü belän tıyunıñ mäğnäsen beterde dielä. Uzğan ayda Tönyaq Korea atom qorallarına iä buluın häm üzeneñ atom programması turında Könyaq Korea, Qıtay, Rusiä, Yaponiä häm AQŞ qatnaşqan 6-yaqlı söyläşülärdän çigenüen belderde. Soñraq ul ägär Waşington Tönyaq Korea belän açıq eş itüen kürsätsä bu söyläşülärgä qaytaçağın äytte. Bügen tışqı eşlär ministrı AQŞ xökümätennän Tönyaq Koreanı zolım nığıtması dip atağan öçen ğafu ütenüne taläp itte.
XS
SM
MD
LG