İlneñ könçığışındağı şeix Nasser Fahd al-Harethi, Yemenneñ xärbi citäkçelegenä, üzendä 11 yıl totqan Rusiädä eşlängän T-62 tankın tapşırdı. Cirle basma yazuınça, şeixtä älege tank, 1994nçe yılğı, xökümät köçläre häm könyaq ğaskärläre arasındağı watandaşlar suğışınnan birle qalğan. Şeix inde niçä yıllar saqlanu ministrlığına älege tanknı satmaqçı bulğan, xärbi citäkçelek 11 yıldan soñ ğına tanknı 13 meñ dollarğa alırğa riza bulğan. Şeix süzlärenä qarağanda, tanknı tözekländerügä kitkän aqça belän çağıştırğanda – bu ber ni tügel.
