Accessibility links

Кайнар хәбәр

Leonid Kuçma elekke eçke eşlär ministrın kümü yolasında qatnaştı


Comğa könne säyer şartlarda ülgän Ukrainanıñ elekke eçke eşlär ministrı Yuri Kravçenko bügen cirlände. Kravçenko, 2000nçe yılda yuğalğan jurnalist Heorhiy Gongadze eşe turında mäxkämädä tanıqlıq itergä tieş ide. Ämma comğa mäxkämä utırışına berniçä säğat qalğanda üz öyendä üle kileş tabıldı. Kravçenko üler aldınnan böten närsädä prezident Leonid Kuçmanı ğayepläp xat yazıp qaldırğan bulğan. Kümü yolasına qatnaşqan elekke prezident Kuçma jurnalistlarğa, Kravçenko''nıñ Gongadze ülemenä ber qatnaşı da yuq, dip belderde. "Ul sorawğa cawap birde, üzen ğayepsez dip äytte. Häm min monı raslıym." dide Kuçma. Bu atnada Kuçma Gongadze eşe turında mäxkämä aldında tanıqlıq iter dip farazlana. Moña qadär Ukrainanıñ elekke prezidentı üterügä nindi dä bulsa qatnaşı buluın kire qağıp kilde. Anıñ köndäşläre, Gongadze''nı üterergä Kuçma quşqan dip sanıy.
XS
SM
MD
LG