Accessibility links

Кайнар хәбәр

Jurnalistlarnı yaqlaw oyışmaları: ''Sgrena'' mäs''äläsenä mönäsäbät başqa törle bulaçaq


Jurnalistlarnı yaqlawçı xalıqara oyışmalar Quşma Ştatların Giuliana Sgrena häm Nicola Calipari mäsäläsendä tulı açıqlıq kertergä çaqıralar.Sgrena ütkän ayda Ğıraqta ğıysyançılar tarafınnan urlağan tanılğan jurnalist. İtalia küzläw idaräse agentı Calipari Sgrenanıñ irekkä çığarıluına ireşkän ämma jurnalistnı Bagdad hava alanına ozata barğanda ul amerikan ğäskäriläre tarafınnan atıp üterelä, Sgrena yaralana. Jurnalistlarnı yaqlaw oyışmaları AQŞ tarafınnan Ğıraqta üterelgän jurnalistlar mäsäläseneñ tikşerelüe öçen möräcäğätlär yasasa da , näticälär qänäğätländererlek bulmadı . Ämma törkemnär äle eş başqaçaraq bulaçaq dip kötä.

Bu märtäbä eş başqaça bulaçaq,çönki bu märtäbä üzäk urında italiannarnıñ mäğlüm milli ğorurları tora. NYta urnaşqan Jurnalistlarnı Yaqlaw Komitetı Ğıraq suğışı başlanğannan birle amerikan utı asıtnda 9 jurnalist häm alarnıñ 2 yardämçese üterelde di. Här insidenttan soñ Çiklär Tanımağan jurnalistlar, Jurnalistlarnı Yaqlaw Komitetı häm başqaları AQŞ räsmilärenä mäsäläne açıqlağız, proseduranı üzgärtegez häm cawaplılar cäzalandırılsın dip möräcäğätlär yasap, küp kenä xatlar cibärde. Bu märtäbä dä protestlar buldı , ämma bu märtäbä alarğa İtalia premyere Silvio Berlusconi dä quşıldı. G.Bushnıñ Yevropadağı in ışanıçlı berektäşe.Ul parlamentta yasağan çığışında AQŞ xakimiätläre tulı xezmättäşlek itergä wäğdä itte dip belderde

Berlusconi(audio)

Şundıy küp qayğığa säbäp bulğan insidentnı onıtu öçen berdänber çara sonğı çiktä açıq anıq itep cawaplılıqnı tanu

Çiklär Tanımağan Jurnalistlar Törkemennän Jean –Francois Julliard Sgrena-Calipari insidentında ütkängä qarağanda kübräk informatsiä bulaçaq dip qarıy.

Julliard(audio)

Bez Giuliana mäsäläsenä cawap bireläçäk . Çönki italiannar tikşerügä qatnaşa häm alar cawap alu öçen här närsäne eşliäçäk

Tanılğan jurnalitlarnıñ üleme basımğa säbäp buldı. Misal öçen 2003yılda Reuters kameramanı Mazen Dana Abu Graib törmäse yanında başqa jurnalistlar belän bergä eşli ide. Poçmaqtan borılğan tanktağı xärbi Dananıñ kamerasın cilkädän ata torğan raketa atqıç dip uylap aña ut aça häm üterä.AQŞ mäsäläne tikşergännän soñ kommunikatsiä häm başqa çaralarnı ,reformalaw yaxşırtırğa wäğdä itä.Ämma Jurnalistlarnı Yaqlaw Komitetınnan Joel Campagna radiobızğa idealar bik yaxşı ämma täsire yuq dide

Campagna (audio)

ni qızğanıç ki belüebezçä kiñäşlärneñ berse dä ğämälgä quyılmadı.Alar quyılırğa tieş ide

Mätbuğat ireklegen yaqlawçı törkemnärneñ yış qına şaxitlär belän AQş xärbiläreneñ birgän berbersenä qapma qarşılıqlı mäğlümätkä açuı çığa . Azat itelgän totıq Giuliana Sgrena Bagdad hava mäydanına barğanda maşinağa ut açıluı turında AQŞ ğäskäriläre mäğlümäte belän çağıştırğanda bötenläy başqa törle itep söylägän. Xärbilär, maşina tuqtarğa digän işarälärgä iqtibar itmi kontrol puktına bik tiz yaqınlaşa başladı dip äytsä , Giullina bez urta tizlektä bardıq di .Premyer Berlusconi İtalian jurnalistınıñ söylägännäre belän kileşep, AQŞ versiäse bulıp alğan waqıyğägä turı kilmi di . İtalia, agent Calipari irekländerelgän jurnalist belän airoportqa yul totuları turında AQŞ xakimiätlärenä xäbär birgän dip beldersä , Ğıraqtağı amerikan generale min xabärdar tügel idem digän.Sgrenanıñ AQŞ xärbiläre bälkim dä belä torıp ut açtılar digän fkrenä qarata amerikananar cawap birmäsä dä Venadağı Mätbuğat İnstitutınnan

David Dadge(audio)

Jurnalistlarnıñ hädäf itep alınu waqıyğäläre yuq . Ämma AQŞ armiäse ut açqan hädäflären saylaw eşendä bik cörätkär dip belderde

färidä xämit
XS
SM
MD
LG