Kiev. 2000-nçe yılda jurnalist Heorhiy Gongadzene üterü oçrağın tikşergän Ukraina prokuraturası bügen elekke prezident Leonid Kuçmadan soraw aldı. Bu xaqta prokuratura idaräse belderde, läkin soraw barunıñ niçek baruı xaqında täfsilräk mäğlümat birelmäde. Ukrainanıñ prezident Yuçenko citäkçelegendäge yaña xakimiate Gongadzene üterügä Kuçma tirälegeneñ qatnaşı bar dip beldergän ide, ämma prezident bulıp 10 yıl utırğan Kuçma üze monı qatği töstä kire qağa.
