Accessibility links

Кайнар хәбәр

İspaniä 11 Mart terror qorbannarın iskä aldı


Bügen İspaniä ber yıl elek bulğan terror ğämäle qorbannarın iskä aldı. Uzğan yılnıñ 11 Martında terändä bulğan şartlawlar näticäsendä 191 keşe häläq bulğan ide. Bügen başqala Madridtan alıp keçkenä awıllarğa qädär, bar il buylap xäräkät tuqtaldı, 5 minut tınlıq iğlan itelde. Berençe şartlaw bulğan waqıtta 600läp çirkäwdä çañnar suğa başladı. Madridta ütkän matbuğat oçraşuında Berläşkän Millätlär general sekretare Kofi Annan, İspaniäneñ qayğısın bar dönya urtaqlaşa dide. İspan xökümäte Ğiraq häm Äfğanstanğa ğäskär cibärgän öçen üç alu maqsatı belän, Äl-Qaidä isemennän başqarılğan höcümnär öçen cawaplılıqnı üz östenä çığışı belän Morokkodan bulğan islam suğışçıları alğan ide. Bügen İspaniäneñ İslam komitetı citäkçese Riay Tatary, şuşı waqiğağa qaramastan, ispannarnıñ möselmannarnı terrorçılar belän butamawına ixtiram belderde.
XS
SM
MD
LG