75 urınlı parlamentta älegä 43-e xucasız qala birä. Saylawlarnıñ ikençe turına Qırğızstan oppozitsiäse elekkegä qarağanda tuplanıbraq kilde diärgä bula. Tawış birü başlanu aldınnan xakimiatneñ näticälärne üz faydasına awdaru tırışlıqlarına qarşı çığuçılar könyaqtağı Cälälabad häm Oş ölkälärendä cirle xakimiat binaların yawlap aldı, berniçä kön buyına Qırğızstannı Qıtay belän totaştırğan olı yul tomalap totıldı. Şuşı xällärne qayber küzätüçelär, bu ildä dä, Ukraina häm Gruziädäge tösle xalıq teläge nigezendä älege xakimiatne yañası belän almaştıruğa kiterä alırlıq dip bäyäli. Qayçandır Qırğızstannıñ Quşma Ştatlarda häm Britaniädä ilçese bulıp torğan, tışqı eşlär ministrı bulıp eşlägän, ä xäzer oppozitsiä citäkçeläreneñ bersenä äylängän Roza Otunbayıva üz ilendäge täräqqiatne Gruziä häm Ukrainadağı üzgäreşlärgä tiñläw turında bolay digän ide:
Audio, Roza Otunbayıva
"Bezdä alayda qayber üzençäleklär buluı açıqlandı. Çit il keşeläre bezdän "Qırığızstanda nindi inqilab bula ala soñ? Bu göl inqilabımı, ällä lälänekeme" dip sorıylar. Bez alarğa xäzer "bu tirmä inqilabı" dip äytäbez. İlneñ törle poçmaqlarında keşelär tirmälär qora, häm bu alarnıñ äzerlegen häm äwzemlegen kürsätä" dip belderä Roza Otunbayıva, qırğız oppozitsiäse citäkçese. Xakimiat Otunbayıvanıñ deputat bulu tırışlığına qarşı çığıp, anı räsmän nämzät itep terkäwdän baş tartqan ide. Üzäk saylaw komissiäse monı, yaña saylaw qanunınıñ, bar nämzätlärneñ dä soñğı 5 yılda Qırğızstanda yäşäwen taläp itüe belän añlattı. Ä Otunbayıva isä, diplomat bularaq, şul 5 yılnıñ 2-sen Berläşkän Millätlär öçen Abxaziädä eşläde. Ägär dä nämzätlär isemlegennän sızıp taşlanmağan bulsa, Roza Otunbayıva Bişkäkneñ Universitet bülgesennän saylanırğa telägän ide, ä anda isä xäzer deputat bulu öçen prezident Aqayıvnıñ qızı Bermät köräş alıp bara. Zamanında ul da Berläşkän Millätlär öçen eşlägän ide, ämma Bermät Aqayıva Qırğızstanğa näq menä 5 yıl elek kire qaytıp urnaştı. Bügenge tawış birüneñ berençel näticäläre inde kiçen ük bilgele bula başlar dip kötelä. Saylawlarnıñ ikençe turı da törle xalıqara oyışmalarnıñ küzätüe astında bara, alar üz fikeren, yäğni tawış birüneñ alarça niçek baruın, çista bulu-bulmawın düşämbedä iğlan itärgä tieş.
Kärim Kamal
Audio, Roza Otunbayıva
"Bezdä alayda qayber üzençäleklär buluı açıqlandı. Çit il keşeläre bezdän "Qırığızstanda nindi inqilab bula ala soñ? Bu göl inqilabımı, ällä lälänekeme" dip sorıylar. Bez alarğa xäzer "bu tirmä inqilabı" dip äytäbez. İlneñ törle poçmaqlarında keşelär tirmälär qora, häm bu alarnıñ äzerlegen häm äwzemlegen kürsätä" dip belderä Roza Otunbayıva, qırğız oppozitsiäse citäkçese. Xakimiat Otunbayıvanıñ deputat bulu tırışlığına qarşı çığıp, anı räsmän nämzät itep terkäwdän baş tartqan ide. Üzäk saylaw komissiäse monı, yaña saylaw qanunınıñ, bar nämzätlärneñ dä soñğı 5 yılda Qırğızstanda yäşäwen taläp itüe belän añlattı. Ä Otunbayıva isä, diplomat bularaq, şul 5 yılnıñ 2-sen Berläşkän Millätlär öçen Abxaziädä eşläde. Ägär dä nämzätlär isemlegennän sızıp taşlanmağan bulsa, Roza Otunbayıva Bişkäkneñ Universitet bülgesennän saylanırğa telägän ide, ä anda isä xäzer deputat bulu öçen prezident Aqayıvnıñ qızı Bermät köräş alıp bara. Zamanında ul da Berläşkän Millätlär öçen eşlägän ide, ämma Bermät Aqayıva Qırğızstanğa näq menä 5 yıl elek kire qaytıp urnaştı. Bügenge tawış birüneñ berençel näticäläre inde kiçen ük bilgele bula başlar dip kötelä. Saylawlarnıñ ikençe turı da törle xalıqara oyışmalarnıñ küzätüe astında bara, alar üz fikeren, yäğni tawış birüneñ alarça niçek baruın, çista bulu-bulmawın düşämbedä iğlan itärgä tieş.
Kärim Kamal