Accessibility links

Mortaza Räximov: "Balalar äđeräk nuja kürep üѕergä teyeş."


Bına bernisä atna dawamında kiñ mäğlümät saraları Başqortostan prezidentı ğailähendä atay menän ul arahındağı mönäsäbättärđe tikşerä. Törlö sığanaqtarğa hıltanma yahap jurnalistar Mortaza Räximov häm unıñ berđän-ber ulı Ural Räximov arahında Başqortostanda xakimiät ösön köräş xaqında üđ hığımtaların yahay. Bıl köräş xaqında mäğlümät yuq tierlek. Şulay đa qayhı ber beldereüđär atay menän ul arahındağı mönäsäbättärđeñ äle bulha kiѕken bulıuın işaralay.

Yañıraq Mortaza Räximov ber rayonğa eş säfäre barışında xalıq menän äñgämäläşkändä balalarđı döröѕ tärbiäläü käräklegen bildälägän. Unıñ äyteüensä, balalar äđeräk nuja kürep üѕergä teyeş. Bını här kem üđensä añlağan. Ämmä jurnalistar beldereüđe turanan-tura atay menän ul arahındağı mönäsäbättärgä bäylärgä aşıqtı. Isınında, Mortaza Räximov menän Ural Räximov arahındağı mönäsäbättärđeñ nisek ikänlege xaqında ber kem dä anıq qına yawap birmäy. Ularđıñ arahına qıѕılmaw xäyerleräk, atay menän ul här saq höyläşep kileşä tigän hüđđärđe lä işetergä mömkin.

Ufaweb ağentlığı anonim sığanaqqa hıltanıp ike aralağı mönäsäbättär küptän kiѕkenläşkän bulıuı xaqında xäbär itte. Unıñ mäğlümättäre buyınsa, bıltır yađ Başqort Kapitalı yetäksehe üđ wazifahınnan Öfö qala xakimiäte başlığı Pavel Kaçkaevtı buşatırğa la telägän. Unıñ urınına Ural Räximov keşehen quyırğa planlaştırılğan.

Yañıraq Däülät Yıyılışı-Qoroltayđıñ qayhı ber deputattarınıñ Parlament räyese Konstantin Tolkaçevtı wazifahınan buşatıu xaqındağı aldan höyläşep kileşeüe asıqlanğaynı. Mortaza Räximov bıl niättärđe iѕkärtep, yağıulıq-energetika kompleksınıñ qayhı ber yetäkselären wazifalarınan buşattı. Konstantin Tolkaçev ihä äle bötönläy başqa eştär menän mäşğül. Ul parlamenttıñ un yıllığın bildälärgä äđerlänä. Xäbär iteüyebeđsä, ul 17 martta Räsäyđeñ törlö töbäktärenän kilgän 500 qunaq qatnaşlığında ütäsäk.

Bögön Däülät Yıyılışı-Qoroltay yortonda respublikala parlamentarizmdı üѕtereügä ayırıusa đur ölöş indereüse deputattarđıñ ber törkömönä Parlament buldırğan Maqtaw gramotaları tapşırıldı. Däülät Yıyılışı-Qoroltay maqtaw qağıđı turahındağı qararnı ğinuar ayında raѕlağaynı. Büläk däülät töđölöşö, qanuniätte, parlamentarizm häm urındağı üđidaralıqtı üѕtereügä, parlamen-ara bäyläneştärđe nığıtıuğa kös halğan, aktiv ijtimaği-säyäsi eşmäkärlek alıp barğan deputattarğa tapışırıla. Undayđar bögön 12 keşe ine. Ular arahında ikense saqırılış deputatı, wäkildär palatahı räyese Miñneräyes İşmoratov, qanundar sığarıu palathı räyese Fänis Ämerov, Stärletamaq qala xakimiäte başlığı Spartak Äxmätov, kontrol-iѕäp palathı räyese Petr Bobılev bar ine. Däülät Yıyılışı-Qoroltay yübileyına Sverdlov ölkähe gubernatorı Eduard Rossel dä kilä. Ämmä Rossel parlament-ara bäyläneştärđe tügel, iqtisadi bäyläneştärđe üѕtereüđe maqsat itep quya.
XS
SM
MD
LG