Qırğızstandağı qarşılıq belderüçelär bügen Oş qalasında xakimiät binasın basıp aldı. Bezneñ xäbärçebez äytüençä, binağa berniçä yöz keşe bärep kergän. Alay da, politsiä belän bäreleşlär bulmağan. Qırğız oppozitsiäse yäkşämbedä ütkän parlament saylawların xärämläşü dip sanıy, näticälären köçtän çığarıp yaña saylawlar ütkärergä çaqıra. Qarşılıq çaraları ilneñ berniçä töbägendä bara. Oppozitsiädäge Xalıq Cıyını – Qorıltay citäkçeläre äytüençä, politsiä yullarnı yabıp quyu säbäple, bügen Talasta ütäse cıyın ütmi qalğan. Ul şimbä köngä Oş şähärenä küçerelgän.
