Bügen Rotterdam mäxkämäsendä Saddam Xösäyengä ximik matdälär satuda ğäyeplängän Hollandia eşquarı Frans van Anraatnıñ eşen tıñlawlar başlandı. Anraat bu matdälärdän ağulı gaz yasalğanın belä torıp alarnı Ğiraqqa satuda ğäyeplänä. Ğäyepläwçelär äytüençä, 1988 yılda kördlärneñ Halabca qalasında şuşı gaz qullanılu näticäsendä 5 meñläp keşe häläq bulğan. Bügenge tıñlawlarda Anraat süz almadı. Läkin elegräk üzenä belderelgän ğäyepläwlärne kire qaqqan ide. Anıñ östennän mäxkämä Noyäbergä bilgelängän.
