Ukraina prokuraturası belderüençä, İran belän Qıtayğa qanatlı raketalar satu eşenä xökümätneñ ber qatışı da yuq. Bu alış-bireş däwlät tarafınnan başqarılmağan, kontrabanda bulıp tora. Berniçä kön elek Ukrainanıñ baş prokurorı Svyatoslav Piskun Britaniäneñ "Financial Times" gäzitenä birgän äñgämäsendä Tähranğa 12, Pekinğa 6 raketa satılu turında äytkän ide. Yuğarı Radanıñ Rişwätçelek tikşerü komissiäse fikerençä, bu alış-bireş artında yuğarı räsmilär, şul isäptän "Ukr-spes-eksport" citäkçese Valeri Şmarov tora.
