Accessibility links

Кайнар хәбәр

Xäläf İşmoratov wazifalarınnan alındı


Başqortstandağı iñ soñğı sensatsiäle yañalıq comğa kiçendä mäğlüm buldı. Başqortstan vitse-premierı, mädäniät häm milli säyäsät ministrı Xäläf İşmoratov üz wazifalarınnan alındı. Bu xaqta Mortaza Räximovnıñ maxsus färmanı xaqında «Başinform» mäğlümat ağentlığı aşığıç xäbärlär lentasında xäbär itte.

İkençe ber färmanı belän prezident xökümät räise urınbasarı häm Mädäniät häm milli säyäsät ministrı itep moñarçı Başqortstan Xoquq institutı direktorı wazifaların başqarğan İldus İlişevnı täğayınläde. İldus İlişev älege institutnı ike ay ğına citäkläp qaldı. Añarçı ul Başqortstan Fännär aqädemiäseneñ Tarix, tel häm ädäbiät institutı direktorı bulıp eşlägän ide.

Elekke vitse-premer häm mädäniät ministrı Xäläf İşmoratovnıñ eştän alınuın respublikta berkem dä kötmägän ide. Xalıq telendä «sorı qardinal» digän quşamat yörtüçe älege citäkçene utta yanmas, suda batmas dip uyladılar. Älegä anıñ kiläçäk yazmışı xaqında bernindi imeş-mimeşlär dä işetelmi. Ämma qayber farazlar buyınça, anı yuğarı wazıyfalarğa yaqın kitermäyäçäklär kebek kürenä.
XS
SM
MD
LG