Accessibility links

Кайнар хәбәр

Paqstan uñışlı yıraq-ara raketa sınawları ütkärde


Paqstan Prezidentı Pärwäz Möşärräf atom texnologiälären taratmıy ğına ilneñ atom qoralı mömkinleklären arttırığa cıyınuın belderde. Xärbilär äytüençä, Möşärräf atom programmasınıñ maqsatı ilneñ iminlegen arttıru häm bu programmağa iñ zur ähämiät bireläçäk digän. Paqstan xärbiläre şulay uq bügen ğädäti häm atom töş çuqmarların 2 meñ çaqrımğa qädär iltä ala torğan yıraq ara raketa sınawın uñışlı ütkärüläre turında belderde. Bu sınawnı Möşärräf üze küzätep tordı häm soñraq belgeçlärne häm injinerlarnı qotlap çığış yasadı.

AUDİO: Minem fikeremçä, bügen bez zur texnologik adım yasadıq. Bezneñ üz ğalimnärebez, cirle ğalimnärebez ike däräcäle motor ayıruda uñışlı zur adım yasadı.

Xärbilär belderüendä Paqstannıñ bu sınaw turında Hinstannı aldan kisätep quyğanlığı äytelä. Paqstan belän anıñ atom qoralı ölkäsendäge köndäşe Hindstan küptänge Kaşmir nizağına häm başqa uzara mäs'älälärgä çişeleş tabarğa teli.
XS
SM
MD
LG