Accessibility links

Кайнар хәбәр

Qırğızstanda ütkän parlament saylawlarına protest demonstratsiälärendä bäreleşlär buldı


İlneñ könyağındağı Jalal abad şähärendä xökümätkä qarşı çığuçı demonstratsiäçelär cirle xakimiät binasın yañadan basıp aldı häm iminlek köçläreneñ uzğan töndäge reydlarınnan soñ militsiä binasına ut törtte. Bügen irtän Qırğızstannıñ könyağında militsiä 2 cirle xakimiät binasınnan demonstratsiäçelärne bärep çığardı. Demonstratsiäçelär ul binalarnı parlament saylawları xärämläşülär belän ütte dip protest yözennän uzğan comğa könne basıp alğan ide. Eçke eşlär ministrı urınbasarı Abdılda Surançiev Oş häm Jalal abad şähärendä militsiä reydları waqıtında berniçä demonstratsiäçe hän kimendä 1 militsiä xezmätkäre yaralandı dide. Azatlıqnıñ qırğızstandağı xäbärçeläre äytüençä, ul şähärlärdä militsiä yözlärçä demonstratsiäçene qısqa waqıtqa totqarlağan. Xäzer militsiädä niçä keşeneñ qalğanlığı açıq qına äytelmi. cirle waqıt belän irtänge säğät 4-tä Jalal abadta militsiä demonstratsiäçelär qulındağı cirle xakimiät binasına höcüm başlağaç Azatlıqnıñ Qırğız redaksiäseneñ andağı xezmätkäre Irısbay Abdıraimov telefon aşa bolarnı belderde.Keşelär qurqıp tarala. Cirle xakimiät binası qarşında uramda närsälärder yana. Binanı soldatlar qamap alğan. Soldatlarnıñ hawağa atqan tawışları işetelä. Qarberäwlär alarğa taş ata, soldatlarğa tayaqlar belän suğarğa tırışa. Min soldatlarnıñ qayber demonastratsiäçelärne totıp binadan çitkä alıp kitülären küräm, xäzer qayber demonstratsiäçelärneñ kitüçe soldatlar artınnan baruın küräm. Xakimiät wäkile bügen Jalal abadtağı demonstratsiädä 10 meñläp keşe qatnaştı disä, oppozitsiä citäkçrläre 20-30 meñ keşe cıyılda di. Azatlıq xäbärçeläre äytüençä açulı demonstratsiäçelär Jalal abad militsiäse binasına ut törtkän, militsiä tübägä çığıp hawağa atqan. Xökümät süzçese Orazaly Karasartov demonstratsiäçelär bügen iminlek köçläre yawlap alğan xirle xakimiät binasın demonstratsiäçelär tağın basıp aldı dide.
XS
SM
MD
LG