Polşa parlamentı Rusiägä, 1940nçı yılda Katın'da polyak suğış totqınnarınıñ Sovet küzläw oyışmaları tarafınnan küpläp üterelüen xökem itüne sorap möräcäğät itte.
65 yıl elek Rusiäneñ Smolenski şähäre yanındağı Katın urmanında 4 meñnän artıq Polşa xärbie üterelgän.
Polşa parlamentı qabul itkän rezolüsiädä, Rusiä belän Polşa arasındağı mönäsäbätlär 65 yıl elek bulğan faciğa turında "böten döreslekne" açıqlaw häm bäyän itü, anı oyıştıruçılarnı xökem itügä bäyle, dielä.
Katındağı kümäk qaberlekne 1944nçe yılda Germaniä ğaskärläre tapqan. 1990nçı yıldağı prezident Mixail Gorbaçev çorına qadär Sovetlar Berlege moña qatnaşı buluın kire qağıp kilde. Faciğane tikşerä başlağan Rusiä räsmiläre eşne uzğan yıl ğayepläwlär beldermi yaptı. Bu ayda Rusiä, Polşanıñ üteneçen kire qağıp, 65 yıl elek bulğan bu waqiğanı genosid dip iğlan itüdän baş tarttı.
